एक्सपर्टले अस्ट्रेलिया शैक्षिक मेला गर्ने
काठमाडौंः एक्सपर्ट एजुकेसन एन्ड भिसा सर्भिसेज प्रालिले सोमबार ‘अस्ट्रेलिया विशेष शैक्षिक मेला' आयोजना गर्ने भएको छ ।
मेला र्याडिसन होटलमा आयोजना हुँदैछ । नेपाली विद्यार्थीलाई अस्ट्रेलियाका शिक्षा प्रणाली, अध्ययनका अवसर तथा चुनौती र प्राप्त योग्यताको भावी सम्भावनाजस्ता विषयमा पर्याप्त सूचना प्रवाह गर्नु मेला आयोजना गर्न लागिएको हो ।
अस्ट्रेलियाका विभिन्न शैक्षिक संस्था, विश्वविद्यालय र त्यहाँ प्राप्त हुन सक्ने छात्रवृत्ति, सुविधा एवं गुणस्तरीय शिक्षामा नेपाली विद्यार्थीको समुचित पहुँच, अध्ययनका लागि लाग्ने लागतका लागि परामर्श सेवा प्रदान गर्ने आयोजकले जनाएको छ ।
मेलामा अस्ट्रेलियाका विभिन्न युनिभर्सिटी तथा कलेजबाट प्रत्यक्ष सहभागिता जनाउने एक्सपर्ट एजुकेसनको सञ्चालक खेम संग्रौलाले जनाएका छन् ।
एक्सपर्ट एजुकेसन नेपाली विद्यार्थीलाई नेपालका विभिन्न सहरबाट अस्ट्रेलियाका विभिन्न सहर अध्ययन गर्न जान परामर्श सेवा प्रदान गर्दै आएको छ ।
प्रतिक्रिया दिनुहोस !
