कलर्स स्मार्टफोन खरिदमा छुट
काठमाडौंः कलर्स मोबाइलले आफ्ना चुनिएका स्मार्टफोनमा केही दिनका लागि फ्री पावरब्यांकसहित मूल्यमा पनि कटौती गरेको छ ।
कलर्स मोबाइल नेपालले यो वर्षको सबैभन्दा स्मार्ट डिलको घोषणा गर्दै आफ्ना केही चुनिएका स्मार्टफोनको मूल्यमा कटौती गर्दै १० हजार एमएएचको पावरब्यांकसमेत प्रदान गर्ने जनाएको छ । चाडपर्वको अवसर पारेर कम्पनीले ग्राहकलक्षित यस्तो योजना ल्याएको हो ।
कम्पनीले इलिट ई १५, इलिट ई २० र कलर्स के ३ स्मार्टफोनमा केही दिनका लागि यो योजना लागू गरेको जनाएको छ । कम्पनीका अनुसार योे मूल्य यस वर्षको चाडबाड आरम्भ भएसम्म जारी रहनेछ ।
५९ दिनसम्म टिक्ने कलर्स इ १५ मा पाँच हजार एमएएच ब्याट्री छ । ड्रागन ट्रेल ग्लास रहेको यो फोन १२ हजार चार सय ९५ मा खरिद गर्न सकिने कम्पनीले जनाएको छ । यसको मूल्य यसभन्दा अघि १३ हजार नौ सय ९५ थियो । यस्तै पहिले १५ हजार नौ सय ९५ मूल्य रहेको ई २० स्मार्टफोन अब १३ हजार नौ सय ९५ मा पाइने कम्पनीले जनाएको छ ।
यसैगरी कम्पनीले तीन जीबी र्याम, ३२ जीबी रोम रहेको कलर्स के ३ लाई १५ हजार नौ सय ९५ मा उपलब्ध गराउने भएको छ ।
यसको पहिलेको बजार मूल्य १७ हजार चार सय ९५ थियो । कलर्स मोबाइल नेपालका मार्केटिङ म्यानेजर राजजंग थापाले चुनिएका र लोकप्रिय स्मार्टफोनको मूल्यमा कटौती गर्नुको कारण चाडबाडको पूर्वसन्ध्यालाई उमंगमय बनाउनु रहेको बताए ।
प्रतिक्रिया दिनुहोस !
