स्ट्यान्डर्ड चाटर्डका कनवाल नेपालमा
काठमाडौंः स्ट्यान्डर्ड चाटर्ड बैंकका एसिया तथा दक्षिण एसियाका क्षेत्रीय प्रमुख नेपालमा आएका छन् ।
दुई दिने नेपाल भ्रमणमा आएका उनको यो नै पहिलो अफिसियल नेपाल भ्रमण भएको बैंकले जनाएको छ । उनी सन् २०१५ अक्टोबरबाट एसिया तथा दक्षिण एसियाका क्षेत्रीय प्रमुखका रूपमा कार्यरत छन् । उनी सन् १९९२ मा स्ट्यान्डर्ड चार्टर्ड बैंक इन्डियाबाट संस्थामा संलग्न भएका हुन् ।
उनले हेड अफ बिजनेस, फाइनान्सियल सर्भिस, हेड अफ मार्केटिङ, हेड अफ सेल्सजस्ता क्षेत्रमा काम गरिसकेका छन् । नेपाल बसाइमा उनले सरकारका वरिष्ठ अधिकारीका साथै राष्ट्र बैंकका प्रमुखसँग भेटघाट गर्ने बैंकले जनाएको छ ।
प्रतिक्रिया दिनुहोस !
