ब्रिटिस कलेजको आयोजनामा इ-स्पोटस् च्याम्पियनसीप
काठमाडौंः द ब्रिटिस कलेजका विद्यार्थीले अन्तर कलेज इ-स्पोटसर्् च्याम्पियनसिप २०१६ आयोजना गरेका छन् । कलेजमा अध्ययनरत विद्यार्थीको आईटी क्लबले सोमबार प्रतियोगिता सुरु गरेको हो ।
नेपालमा इ-स्पोटसलाई प्रवद्र्धन गर्ने उद्देश्यले आयोजना गरिएको प्रतियोगिता थापाथलीस्थित कलेज परिसरमा कलेजका आईटी÷कम्प्युटर साइन्स विभागका एसोसिएट डिन अरुणलाल जोशीले उद्घाटन गरेका छन् । प्रतियोगितामा उपत्यकाका ४० वटा कलेजका विद्यार्थी सहभागी भएको छन् ।
प्रतियोगिता पाँच दिनसम्म चल्ने कलेजले जनाएको छ । प्रतियोगितामा फिफा-१६, डोटा-२, सीएसःगो खेलमा प्रतिस्पर्धा गराइने कार्यक्रमका संयोजक प्रतिक गौतमले बताएका छन् । फिफा-१६ खेलमा प्रतिस्पर्धा गर्न १५० भन्दा बढी विद्यार्थीले नाम दर्ता गराएका छन् ।
यसैगरी, डोटा-२ मा २४ टीम र सीएसःगोमा १६ भन्दा बढी टीमले नाम दर्ता गराएको गौतमले जानकारी दिए । युवा पुस्तामाझ लोकप्रिय भइरहेको इ-स्पोर्ट्सलाई नेपालमा प्रवद्र्धन गर्न र यस्ता खेलमा नेपाली युवालाई पनि अन्तर्राष्ट्रिय रुपमा प्रतिस्पर्धा गर्न प्रोत्साहन गर्ने उद्देश्यले यस्तो प्रतियोगिताको आयोजना गरिएको द ब्रिटिस कलेजका मार्केटिङ तथा पीआर म्यानेजर सुमन श्रेष्ठले बताएका छन् ।
प्रतियोगितामा प्रथम, दोस्रो र तेस्रो हुनेलाई नगद पुरस्कारका साथै प्रमाणपत्र र मेडलसमेत प्रदान गरिने कलेजले जाएको छ ।
प्रतिक्रिया दिनुहोस !
