महिन्द्राद्वारा मोजो राइडरको स्वागत
काठमाडौंः महिन्द्रा ग्रुपअन्तर्गतको महिन्द्रा टु ह्विलर्स लिमिटेडले सोमबार भारतको पुनेबाट आएका मोजो राइडरको स्वागत गरेको छ ।
कम्पनीले मंगलबार सुरु हुने नाडा अटो सोका लागि महिन्द्रा मोजो तीन सय सीसी राइड गरी आएका दक्ष मोटरसाइकल राइडर तथा मोजो एक्सपट्र्सलाई स्वागत गरेको हो ।
राइडरहरू महिन्द्राको फ्ल्याग्सिप मोडल मोजो तीन सय सीसीको नाडामा हुने पहिलो अन्तर्राष्ट्रिय लन्चका लागि काठमाडौं आएका हुन् । कम्पनीका अनुसार नेपालमा हुने सबैभन्दा ठूलो अनावरणमध्ये एक मानिएको यस लन्चमा उक्त राइडरको प्रस्तुतिले उत्साह थप्ने कम्पनीले जनाएको छ ।
अनावरणलगत्तै राइडरहरू नेपाल ट्रेल (यात्रा) को पहिलो चरणअन्तर्गत बिहीबार जोमसोम जाने कम्पनीले जनाएको छ ।
प्रतिक्रिया दिनुहोस !
