कुपन्डोलमा एभरेस्ट बैंकको एटीएम
काठमाडौंः एभरेस्ट बैंक लिमिटेडले गुरुद्वारा कुपन्डोलमा आफ्नो ८६ औं एटीएम सेवा सञ्चालनमा ल्याएको छ ।
ललितपुर क्षेत्रका ग्राहक तथा सर्वसाधारणलाई सर्वसुलभ बैंकिङ सेवा उपलब्ध गराउने उद्देश्यका साथ बैंकले एटीएम सञ्चालनमा ल्याएको हो । एटीएमको उद्घाटन गुरुद्वारा गुरुनानक सतसंघका अध्यक्ष प्रितम सिंह तथा एभरेस्ट बैंकका प्रमुख कार्यकारी अधिकृत एके अहलुवालियाले संयुक्त रूपमा गरेका छन् ।
एभरेस्ट बैंकले हाल आफ्ना ६१ शाखा, पाँच एक्सटेन्सन काउन्टर, २४ राजस्व संकलन काउन्टर र ८६ एटीएम तथा बृहत् बाह्य सञ्जालमार्फत बैंकिङ सेवा प्रदान गर्दै आएको छ ।
बैंकले एसियन पेन्टस ‘न्युबिज बेस्ट म्यानेज्ड कमर्सियल बैंक अवार्ड २०१३’ का साथै आर्थिक वर्ष २०६८/६९ मा वाणिज्य बैंकमध्येमा सर्वाधिक करदाताको सम्मान प्राप्त गरेको बैंकले जनाएको छ ।
प्रतिक्रिया दिनुहोस !
