पी २० को साथमा कलर्सको स्मार्ट योजना
काठमाडौः कलर्स मोबाइलले स्मार्टफोन प्रयोगकर्ताका लागि पहिलोपटक पी २० मोबाइल फोनको साथ प्राइड सेरिजका मोबाइल फोनमा नयाँ योजना ल्याएको छ ।
आकर्षक र परिष्कृत शैलीमा चार इन्च स्क्रिनको यो मोडलले नेपाली ग्याजेट बजारमा नयाँ तरंग ल्याउने कम्पनीले जनाएको छ । कम्पनीका अनुसार अत्यन्तै पातलो मोडलमा आएको प्राइड पी २० मा अत्याधुनिक एन्ड्रोइड मार्समल्लो अपरेटिङ सिस्टम छ ।
यो फोन नेपाली बजारमा सबैभन्दा किफायती रहेको कम्पनीको दाबी छ । चार जिबी रोम रहेको यो फोनमा ३.२ मेगा पिक्सलको क्यामरा छ । सीमित बजेटमा राम्रो स्मार्टफोन प्रयोग गर्न चाहनेका लागि यो उपयुक्त हुने कम्पनीले जनाएको छ ।
१४ सय एमएएच ब्याट्री क्षमता रहेको यो फोनमा १.३ गिगाहर्ज क्वार्ज क्वाड कोर प्रोसेसर रहेको छ । यो स्मार्टफोन नेपाली बजारमा चार हजार ६ सय ९५ रुपैयाँमा उपलब्ध हुनेछ ।
प्रतिक्रिया दिनुहोस !
