सनराइज बैंकद्वारा अभिमुखीकरण कार्यक्रम
काठमाडौः सनराइज बैंक लिमिटेडले आधारभूत कर तथा लेखा नीतिसम्बन्धी तेस्रो अभिमुखीकरण कार्यक्रमको आयोजना गरेको छ । बैंकको तीनकुने, शंखमूल र शंखमूल–२ गरी तीन वटा शाखाले संयुक्तरूपमा कार्यक्रमको आयोजना गरेको हो ।
कार्यक्रमको उद्घाटन बैंकका सहायक महाप्रबन्धक रबिनकुमार नेपालले गरेको बैंकले जनाएको छ । यस कार्यक्रमले परम्परागतरूपमा प्रदान गर्दै आएका वित्तीय सेवामा मात्र सीमित नरहेर आधुनिक सूचना प्रविधिको विकास सँगसँगै व्यवसाय सञ्चालममा पर्न सक्ने समस्या र व्यवसाय सञ्चालन पूर्वअपनाउनुपर्ने सामान्य विधिको पनि जानकारी गराइएको थियो ।
‘हामी सँगसँगै’ भन्ने मूल नाराका साथ अगाडि बढिरहेको यस बैंकले आफ्ना ग्राहकलाई आधारभूत कर तथा लेखानीति सम्बन्धी जानकारी दिने उद्देश्यले विभिन्न क्रियाकलापको गर्दै आएको छ ।
साथै भविश्यमा अझ नयाँ र ससक्त कार्यक्रम सञ्चालनमा ल्याउने प्रतिबद्घता जनाएको छ । कार्यक्रममा बैंकले नेपालको कर तथा लेखा क्षेत्रमा अनुभवी चार्टड एकाउन्टेन्ट सुर्दशन राज पाण्डेलाई स्रोत व्यक्तिका रूपमा प्रस्तुत गरेको थियो ।
प्रतिक्रिया दिनुहोस !
