एजेन्सीः च्याम्पियन्स लिगमा बार्सिलोनाले सेल्टिकमाथि विशाल अन्तरको जित निकालेको छ ।
मंगलबार राति घरेलु मैदान नाउ क्याम्पमा सम्पनन भएको खेलमा लियोनल मेस्सीले च्याम्पियन्स लिगमा छैटौँ ह्याट्रिक गर्दा बार्सिलोनाले सेल्टिकलाई ७-० ले हराएको हो ।
समूह चरणको आफ्नो पहिलो खेलमा बार्सिलोनाका लागि मेस्सीले खेल सुरु भएको तीन मिनेटमै सेल्टिकमाथि पहिलो गोल गरे । खेलको २४ औँ मिनेटमा सेल्टिकले पाएको पेनाल्टी मौउसा डेम्बेलले गुमाएपछि उसले फेरी गोल गर्ने मौका ९० मिनेटसम्मै पाएन।
खेलको पूर्ण अवधि सेल्टिक बार्सिलोनाको दबाबमा रहयो । सेल्टिकमाथि बार्सिलोनाले ३, २७, ५०, ६०, ५९, ७५ र ८८ औँ मिनेटमा गोल गर्दै ७-० को विशाल अन्तरको जित निकालेको हो ।
मेस्सीले ३, २७ र ६० औँ मिनेटमा गोल च्याम्पियन्स लिगमा छैटौँ ह्याट्रिक पूरा गरे । उता नेइमारले ५० औँ मिनेटमा गोल गरे । इनिष्टाले ५९ औँ मिनेटमा गोल गरे भने स्वारेजले ७५ र ८८ औँ मिनेटमा गोल गर्दै बार्सिलोनालाई ७-०को फराकिलो जित दिलाए।
प्रतिक्रिया दिनुहोस !
