रियल ब्रस्ट बडा दसै महोत्सव सुरु
काठमाडौः महिला सिर्जनशील केन्द्रको आयोजनामा बुधबारदेखि राजधानीमा ‘बडा दसैं महोत्सव २०७३’ सुरु भएको छ । डीईसीसी नेपाल प्रालिको मुख्य व्यवस्थापन रहेको महोत्सव असोज १ गतेसम्म चल्नेछ । जम्मा एक सयवटा स्टल रहेको महोत्सवको मुख्य प्रायोजन डाबर रियल ब्रस्टले गरेको छ ।
महोत्सवको उद्घाटन हालै प्रदर्शनीमा आएको चलचित्र ‘छक्का पन्जा’का कलाकारले गरेका थिए । प्रदर्शनीमा दसैंका लागि घटस्थापनादेखि टीकासम्म अति आवश्यक पर्ने सामग्रीसहित पूजाका सामग्री, हस्तकला, साडी, कुर्ता, गिफ्ट सामग्री, मेहेन्दी, होम अप्लाइन्सेस आदि राखिएका छन् ।
खाना पारखीका लागि विशेष परिकारसहितका स्टलहरू पनि राखिएका छन् । कार्यक्रमस्थलमा दसैंमा खेलिने पिङको पनि व्यवस्था गरिनुको साथै निःशुल्क प्रवेश र पर्याप्त पार्किङको व्यवस्था गरिएको छ । महोत्सवमा करिब ४० हजार अवलोकनकर्ता आउने अपेक्षा आयोजकले गरेको छ ।
प्रतिक्रिया दिनुहोस !
