काठमाडौँ: तपाईंलाई ट्राफिकसँग कत्तिको डर लाग्छ ? अवश्य लाग्छ होला । शक्ति प्रयोग गरेर ट्राफिक नियम पालना नगर्ने पनि थुप्रै छन् । तर, एमाले सचिव एवम् प्रचार विभाग प्रमुख योगेश भट्टराई भने ट्राफिकसँग खुब डराउछन् ।
भट्टराईले बिहीबार आफू ट्राफिकसँग डराउनेगरेको खुलासा गरेका छन् । भट्टराई भन्छन्, 'म तीन पटक ट्रफिकको फन्दामा परेको छु । तिनै पटक लेन अनुशासनमा । दुई पटक सिंहदरबार अगाडि र एकपटक ठमेलमा ।'
ट्राफिकको फन्दामा परेपछि भट्टराई स्वयम्ले बग्गीखानामा गएर ट्राफिकको कक्षमा सहभागी हुँदै लाइसेन्स लिएको समेत बताएका छन् ।
'के अनुशासन चाहिँ साना र कमजोरका लागिमात्र हो र ? रात दिन धुवामा, धुलोमा, झरिमा जीवननै जोखिममा राखेर, खाई, नखाई डियुटिमा रहेका ट्रफिकको अवस्था । यो सबै देशलाई बनाउनलाई नैत उनिहरुले गरिरहेका छन्' । अनि गँए बग्गिखाना,' भट्टराई थप लेख्छन्, 'ट्रफिक नियमका बारेमा क्लास लिएँ । फाइन तिरे र लाइसेन्स लिएर आएँ । म जस्तै ले मलाई घरि घरि हेर्थे । तर मैले लजाएको व्यवहार देखाइन ।'
भट्टराईले सबैले ट्राफिक नियम पालना गरौँ भन्दै बिहीबार बिहान फेसबुकबाट सार्वजनिक गरेको सन्देश जस्ताको तस्तैः
म ट्रफिकसँग डराउँछु
म ड्राइभर हुँ । हरेक दिन गाडीको ड्राइभिङ सिटमा बसेर स्टेरिङ्ग घुमाउदै, क्लज, एक्सिलेटर र ब्रेकका बिचमा सन्न्तुलन गर्दै, एकसाथ अगाडि हेर्दै र दाँया, बाँयाको ज् नाबाट पछाडि पनि हेर्दै दौडिरहेको हुन्छु ।
जिन्दगीमा मानिसलार्इ जहिल्यै समयको अभाव भएर होला सबै हतारमै देखिन्छन । तर कहिलेकाही लाग्छ मनिसको यो बेतुकको कुरा हो । घन्टौ फोकटमा गफ गरेर बिताउदा चै त्यो चेत कहाँ खुस्किन्छ ? त्यसमा म अपबाद होइन । तर सडकमा देखिन्छ उछिना पाछिन । त्यसैको कारण बेसमय कति मानिसहरुले माथिको टिकट काटिरहेका छन् ।
विदेश तिर जाँदा त्यहाँ रहेका साथीहरु र विदेशी मित्रहरुले भन्ने गर्छन् नेपाल नबनेकै सिस्टम नभएर, सिस्टममा नबसेर र अनुशासन पालना नगरेर हो भन्छन् । एकहदसम्म सहि नै हो । अमेरिकाको सडकमा होस व कतारको त्यहाँ ड्राइभिङ गर्ने साथीहरु पुलिस र सिसिटिभी क्यामरासँग छुलछुल भएको धेरै पटक देखेको छु । नेपालमा तिनै साथीहरु अनुशासनमा नबस्ने तर अरुका देशमा भने आँफै सतर्क हुने । कारण के होला ? यसको छलफल गर्दै गरौला ।
म तीन पटक ट्रफिकको फन्दामा परेको छु । तिनै पटक लेन अनुशासनमा । दुई पटक सिंहदरबार अगाडि र एकपटक ठमेलमा । लाइसेन्स जफत भैहाल्यो ।
बग्गिखानामा लाइसेन्स लिन एकजना साथीलाई पठाएको ट्रफिकले भनेछन दिन मिल्दैन । सम्बन्धित ब्यक्ति नै आउनु पर्छ अनि क्लास लिनुपर्छ, फाइन तिरेर लाइसेन्स लान पाईन्छ, ट्रफिकको भनाइ ।
धेरै पटक सोचे त्यसरी जाउ कि नजाउ ? त्यहाँ आउने अरुले मलाई के भन्दा हुन ? नकारत्मक समाचार पो बनिने हो कि ? यस्तै यस्तै प्रश्नका कारण धेरै दिन लाइसेन्स लिनै गइन ।
अनि फेरि सोचे अनुशासन चै के साना र कमजोरका लागिमात्र हो र ? रात दिन धुवामा, धुलोमा, झरिमा, जिवननै जोखिममा राखेर, खाई, नखाई डियुटिमा रहेका ट्रफिकको अवस्था । यो सबै देशलाई बनाउनलाई उनीहरुले गरिरहेका छन । अनि गँए बग्गिखाना ।
ट्रफिक नियमका बारेमा क्लास लिए । फाइन तिरे र लाइसेन्स लिएर आएँ । म जस्तै ले मलाई घरि घरि हेर्थे । तर मैले लजाएको व्यवहार देखाइन । अनि उनिहरुलाई पनि सहज भयो होला ? ट्रफिकका अफिसरहरु पनि खुशी भए । गल्ती ट्रफिकको होइन मेरै थियो । यसले सडकमा अनुशासित हुन मलाई सिकायो । मान्छे कसै न कसैसँग त डराउनु पर्छ । ट्रफिकसँग डराउनुहोस् केहि बिग्रिदैन ।
प्रतिक्रिया दिनुहोस !
