‘मोदी कोट’ उपहार पाउने राष्ट्रप्रमुख को को हुन् ?
काठमाडौँः भारतीय प्रधानमन्त्री नरेन्द्र मोदीले ब्रिक्स सम्मेलनमा सहभागी ब्राजिल, चीन, रुस र दक्षिण अफ्रिकाका राष्ट्रप्रमुखलाई ‘मोदी कोट’ उपहार दिएका छन् ।
ब्रिक्स राष्ट्रका सरकार एवम् राष्ट्रप्रमुखलाई मोदीले फरक–फरक रंगका ‘मोदी कोट’ उपहार दिएका हुन् ।
भारतको गोवामा आयोजित ब्रिक्स सम्मेलनमा सहभागी भएका ब्राजिलका राष्ट्रपति मिचेल टिमर र चिनियाँ राष्ट्रपति सी जिङपिङलाई रातो एवम् रुसका राष्ट्रपति भ्यालदिमिर पुटिनलाई निलो र दक्षिण अफ्रिकाका राष्ट्रपति ज्याकोब जुमालाई खैरो कोट उपहार दिएका छन् ।
मोदीले चार राष्ट्रप्रमुखलाई उपहार दिएको कोटसँगै तस्बिर खिचाएका छन्। तस्बिमा मोदी बीचमा छन् भने बाया ब्राजिलका राष्ट्रपति मिचेर र चिनियाँ राष्ट्रपति सी छन् । दायाँतर्फ रसियाका राष्ट्रपति पुटिन र अफ्रिकाका राष्ट्रपति जुमा मुस्कुराएर उभिएका छन् ।
मोदीले आफूले दैनिक लगाउने कोट चीन, ब्राजिल, रुस र अफ्रिकाका राष्ट्रप्रमुखलाई उपहार दिएका हुन् । मोदीको उपहार कोट ब्राजिल र चीनका राष्ट्रपतिलाई ठिक्क मिलेको देखिन्छ । दक्षिण अफ्रिकाका राष्ट्रपतिलाई दिइएको कोट ठूलो भएको छ भने पुटिनले लगाएको कोट टिमिक्क देखिन्छ । मोदी कोटमा खिचिएको अर्को तस्बिर
प्रतिक्रिया दिनुहोस !
