काठमाडौं: नेत्र विक्रम चन्द नेतृत्वको नेकपा माओवादीले आह्वान गरेको नेपाल बन्दका कारण सर्वसाधारण समस्यामा परेका छन् ।
लामो दुरीका सवारीबाट बिहान काठमाडौं उत्रिएका सर्वसाधारण सबैभन्दा बढी मारमा परेका छन् । घरबाट आउँदा विभिन्न सामान लिएर आएका यात्रुहरु बाटो नजिकै गाडी आउने प्रतिक्षामा बसेका छन् ।
काठमाडौं उपत्यकामा मोटरसाइकल तथा निजी सवारी फाट्ट फुट्ट चलेपनि सार्वजनिक यातायातका साधन कम चलेका छन् ।
काठमाडौंका मुख्य मुख्य चोकमा बाक्लो संख्यामा सुरक्षाकर्मी उपस्थित छन् । विहानैदेखि बन्दको आह्वान गर्दै हिँडेका केही बन्दकर्तालाई प्रहरीले नियन्त्रणमा लिएको छ ।
७६ बन्दकर्ता पक्राउ
महानगरीय प्रहरी परिसर काठमाडौँका प्रवक्ता, प्रहरी उपरीक्षक प्रद्युम्न कार्कीले काठमाडौँका विभिन्न स्थानबाट ७६ जना बन्दकर्ता पक्राउ परेको जानकारी दिए ।
कलङ्की, कोटेश्वर, महाराजगन्ज, चावहिललगायतका क्षेत्रबाट बन्दकर्ता पक्राउ परेको कार्की बताए । सडकमा बन्दकर्ता देखिए प्रहरीले तत्काल पक्राउ गरिरहेको छ ।
प्रतिक्रिया दिनुहोस !
