काठमाडौंः नेपालले मैत्रीपूर्ण महिला फुटबलमा मलेसियालार्इ पराजित गरेको छ।
शनिबार सातदोबाटोस्थित एन्फा कम्पलेक्समा भएको खेलमा नेपाली महिला टोलीले पाहुना टोली मलेसियालाई १–० गोल अन्तरले पराजित गरेको हो।
साफ च्याम्पिनसिप फुटबलको तयारीमा रहेको नेपाली टोलीका लागि खेलको २७ औं मिनेटमा सावित्रा भण्डारीले गरेको गोल नै निर्णायक बन्यो। नेपाल अर्को सातादेखि भारतमा हुने महिला साफ च्याम्पियनसिपको तयारीमा छ।
सोहीका लागि नेपालले मलेसियाको महिला टोलीलाई मैत्रीपूर्ण खेलका लागि निमन्त्रणा गरेको थियो। फिफा बरियतामा मलेसिया नेपालभन्दा २६ स्थानमाथि छ।
प्रतिक्रिया दिनुहोस !
