धैर्यले लामो जीवन (भिडियोसहित)

पूर्व वातावरण मन्त्री एवं काठमाडौं महानगरपालीकाका पूर्व मेयर पि.एल.सिंह अरुका लागि बाँच्ने गर्छन र त्यसलाई आफ्नो सन्तुष्टि मान्छन् । काठमाडौंका लागि संभवत सर्वाधिक परिचित आपतका सहयोगी, दुखीका लागि 'देउता' उनको ७८ ० औं बसन्त भागदौढ, व्यस्तता, प्रजातन्त्रका लागि र विकृती विरुद्धको संघर्षमै सदुपयोग भएको छ । तर पनि उनको स्वास्थ्य मजवुत छ र आत्मविश्वास दरिलो ।

सन्तुष्टी

मेयर निर्वाचित भएपछि अरुलाई सेवा दिँदा खुसीको अनुभुति गर्न थाले उनले । आफ्नो नाम सँग मिल्दो पिएल सिंहबाट 'पिएलएस' अर्थात पिपुल लभ सर्भिस उनको जीवनको आदर्श बन्यो । त्यसमै उनलाई सन्तुष्टी मिल्यो । सन्तुष्टीले उनलाई स्वस्थ रहन सहयोग गर्‌यो । उनी खानपानमा केही परहेज छैन , आराम, काम, प्रतिष्ठा, लोकप्रियता सबै कुरालाई आफ्नो सन्तुष्टिसँग जोड्छन । 'जे काम आइलाग्छ मैले त्यही गरेँ, जे पर्छ त्यसैमा रमाएँ । सोचे जस्तो नहुँदा छटपटाहट कहिल्यै भएन । केही आस गरेर मैले कसैलाई सहयोग गरिन', उनले भने, '

इमान्दार

अविवाहित र मेहेनती सिंह राम्रो स्वास्थ्यलाई इमान्दारितासँग पनि जोड्छन । इमान्दारिता पेशामा मात्र होइन खानपान, आराम, सोच र व्यवहारमा पनि अपनाउन सके स्वस्थ भइने उनको अनुभव छ । उनको सिद्धान्त छ 'वि गुड डु गुड' । आफु राम्रो नभई अरुलाई राम्रो बन भन्ने नैतिकता कसैसँग नहुने उनको तर्क छ । जे पनि खाने उनको बानी छ तर समयको अन्तरालमा । 'मेरो घर छैन । अरुले जे दिन्छन् त्यही मिठो मानेर खान्छु तर छिनछिनमा ।

भिडियो हेर्नुहोस्

खाली पेट भयो भने हामीले शक्ति कहाँबाट पाउने ', उनले भने,' जतिसुकै तनावपूर्ण लाग्ने वातावरणमा परे पनि चुपचाप सुत्छु । नेवारी समुदायको भएर होला त्यहाँ मौसम अनुसारको खाना खाने संस्कृतिबाट स्वास्थ्यलाई फाइदा पुगेको मान्छन पिएल ।

अनिदो बस्दा रोगी भइन्छ । तर कहिलेकाँही सुत्न नपाए पनि फुर्तिलो महसुस गर्छन । अल्कोहल पनि पिउँछन तर सिमित मात्रामा । सदिच्छा र इज्जत पाउँछन्, त्यसैले आफुलाई स्वस्थ बनाएको ठान्छन् उनले । पाइने र त्यो नै जीवनका लागि प्रेरणा बन्ने उनको भनाई छ । पानीको पूर्तिका लागि सवेरै उनी दुई 'पट' कालो चिया पिउँछन ।

शारीरिक अभ्यास

अधिकांश समय दौढधपमै विताउने उनी विहान आफ्नो निवास ताम्सीपाखाबाट विहान तीनै बजे स्वयम्बु उक्लन्छन र एक घण्टामा ३३ कोटी देवीदेवताको दर्शन गरी फर्कन्छन । त्यो बेलाको प्रकृतिक सौन्दर्यताले उनलाई शक्ति र आनन्द दिन्छ । त्यही भएर मेयर हुँदा 'क्लिन ग्रिन हेल्दी काठमाडौं' भन्ने अभियान चलाए । कसैले भेट्न बोलायो भने उनी धेरैजसो आफै त्यहाँ पुग्छन । त्यसो गर्दा आफु पनि स्वस्थ हुने र अरु पनि खुसी हुने उनी बताउँछन । त्यो खुसीले नै उनको स्वास्थ्य राम्रो बनाउँछ ।

धर्य र सहनशिल

३० वर्षे पंचायतकालमा प्रजातन्त्रका योद्धाकारुपमा पटकपटक जेल गए पिएल । जीवन अनिश्चित थियो । सुताई र खानपानको ठेगान थिएन । तैपनि निरास भएनन् उनी । राजनीतिमा होमिदा होस या मेयर हुँदा उनको दैनिकी भेटघाट, सहयोग र मेलमिलापमै वित्यो । शैली फरक थिए खाली । महत्वपूर्ण व्यक्तिसँगको भेटले उनलाई झन सहनशिल बन्न सिकायो । सहनशिलताले पनि मानिसलाई स्वस्थ बनाउने उनको बुझाई छ । भन्छन्,' हतारको जीवन दुई दिनको हुन्छ । धर्यताको जीवन जुगौं जुगको।'

स्वाभिमान

वोली र व्यवहारको सामिप्यले चरित्र निर्माण गर्छ । चरित्रविना स्वाभिमानको अस्तित्व हुँदैन । स्वाभिमान खुसीको र खुसी स्वस्थ जीवनको आधार हो । राजनीतिक निष्ठा र प्रतिवद्धता पनि राम्रो चरित्रको मापक हो । २०६२ र ०६३ पुनस्र्थाफित प्रतिनिधिसभामा नजाने निर्णय गर्ने पिएल र पूर्व प्रधानमन्त्री कृष्णप्रसाद भट्टराई मात्र थिए । 'नेताहरु 'लिडर'बाट डिलर भएपछि मुलुक बेचविखनको वस्तु बन्छ । मेरो अहिलेको चिन्ता यही हो,'उनले भने ।

प्रतिवद्धता

गर्छु भनेको काम समयमै गर्नु पर्ने उनको तर्क छ । उनले अंग्रेजीमा दोहोराउने एउटा वाक्य छ 'आइ नेभर गिभ अप'। प्रतिवद्ध ता नहुँदा अरुको विश्वास गुम्छ । उनी त्यसबारे सँधै सचेत रहे ।

प्रशन्नता

प्रशन्नतामा पनि राम्रो स्वास्थ्यसँग जोडिएको हुन्छ । उनको भनाईमा जे परे पनि मुस्कुराउन छोड्नु हुन्न । मुस्कानले दिमागलाई ताजा बनाउँछ र स्वस्थ हुन सहयोग गर्छ । मुस्कानले समृद्धि र माया पाइन्छ । त्यो नै स्वस्थ भएर बाँच्ने आधार हो र मुस्कान सहित पिएल सिंह काठमाडौंका सडकमा, मोटरसाइकलका पछाडी सामाजिक समारोह र २०४७ सालको संविधान व्युताउँने अभियानमा अक्सर देखा परिरहन्छन ।