तेक्वान्दोको महिला तर्फको सबै उपाधि सेनालाई
दमकः सातौं राष्ट्रिय खेलकुद प्रतियोगिता अन्र्तगत झापाको दमकमा जारी आईटिएफ तेक्वान्दोमा सोमबारको खेलमा पनि आर्मीले ५ वटा स्वर्ण जितेको छ । तेश्रो दिनको बिभिन्न तौल समुह अन्तरगत महिला तर्फको सबै स्वर्ण पदक नेपाली सेनाले जितेको हो ।
स्पाईरिंग अन्तरगत ४६ देखि ५० केजीमा आर्मीकी रुविना खड्काले स्वर्ण जितिन् । त्यस्तै मध्यमाञ्चलकी पुजा खुलाल मगरले रजत र सुसिला गुरुङ्ग तथा सुदुरपश्चिमाञ्चलकी पुजा साहीले काश्य पदक जितिन् ।
त्यस्तै ५१ देखि ५५ केजीमा सेनाकी रिता धिमालले स्वर्ण, पश्चिमाञ्चलकी सर्मिला महतले रजत र शसस्त्र प्रहरीकी सञ्चिता लामा तथा मध्यमाञ्चलकी स्वयता राईले काश्य जितिन् । ५६ देखि ६० तौल समुहमा नेपाली सेनाकी तुलसा राजथलाले स्वर्ण, मध्यपश्चिमाञ्चलकी मेनुका बुढामगरले रजत र सुदुरपश्चिमाञ्चलकी सविना उराउ तथा पश्चिमाञ्चलकी सिमा खासुले काश्य पदक जितिन् ।
यस्तै ६१ देखि ६५ तौल समुहमा नेपाली सेनाकी सृजना राईले स्वर्ण, पश्चिमाञ्चलकी उमिसा घर्तीमगरले रजत र मध्यपश्चिमाञ्चलकी करिण यादव तथा मध्यमाञ्चलकी उमा घलेले काश्य हात पारिन् ।
त्यस्तै ६५ केजी भन्दा माथिकोमा नेपाली सेनाकी बसन्ती बुढामगरले स्वर्ण, पूर्वाञ्चलकी अनामिका राईले रजत र पश्चिमाञ्चलकी कामना पुन तथा सुदुर पश्चिमाञ्चलकी सुजता सिजापतीले काश्य हात पारिन् ।
यस्तै स्पाईरिंगको पूरुष तर्फको ६१ देखि ६५ तौल समुहमा भने सेनाले रजतमा चित्त बुझाएको छ । यस समुहको स्वर्ण पदक भने पूर्वाञ्चलका दिलन राईले जिते । सेनामा गेद बहादुर बस्नेतले रजत र पश्चिमाञ्चलका राजन रसाईली, मध्यमाञ्चलका निमेश थपाले काश्य हात पारे ।
पश्चिमाञ्चल र आर्मीका महिला खेलाडि आपसमा भिड्दै । लोकनाथ रिजाल
प्रतिक्रिया दिनुहोस !
