मिडिया कप फुटबलको उपाधि कान्तिपुरलाई
काठमाडौंः आठौं मिडिया कप फुटबलको उपाधि कान्तिपुर मिडिया ग्रुपले जितेको छ। दशरथ रंगशालामा मंगलबार भएको फाइनल खेलमा साविक विजेता कान्तिपुरले इमेज च्यानललाई टाईब्रेकरमा ५–४ गोलले हराउँदै उपाधि जितेको हो।
निर्धारित समयको खेल १–१ गोलको बराबरीका रोकिएको थियो। थप गरिएको १५ मिनेटमा दुवै टोलीले गोल गर्न नसकेपछि खेल टाइब्रेकरमा पुगेको थियो।निर्धारित समयमा इमेज च्यानलले सुरुवाती अग्रता लिएको थियो। इमेजका लागि सुनिल ताम्राकारले पाँचौं मिनेटमा गोल गरेका थिए।
कान्तिपुरले ५५ औं मिनेटमा बराबरी गोल गर्दै खेलमा फर्किएको थियो। कान्तिपुरका लागि सन्तकुमार श्रेष्ठले बराबरी गोल फर्र्काएका थिए। टाइब्रेकरमा कान्तिपुरका सन्तकुमार श्रेष्ठ, सुरज मोक्तान, समिर तामाङ, निराजन कार्की र नवीन खड्काले गोल गरेका थिए।
इमेजका सम्बन्धम प्रधान, जनक गुरुङ, सुनील ताम्राकार र विजय कार्कीले मात्र गोल गरे। योद्धा थापा पेनाल्टी चुकेपछि कान्तिपुरले उपाधिको रक्षा गरेको हो। उपाधिसँगै कान्तिपुरले ५० हजार रुपैयाँ पुरस्कार हात पार्यो भने उपविजेता इमेजले २५ हजार रुपैयाँमा चित्त बुझायो।
प्रतिक्रिया दिनुहोस !
