ट्रम्पको मेक्सिको सीमामा पर्खाल लगाउनेबारे कतै हर्ष, कतै विष्मात !

ट्रम्पको मेक्सिको सीमामा पर्खाल लगाउनेबारे कतै हर्ष, कतै विष्मात !


वाशिङ्गटन: अमेरिकाका राष्ट्रपति डोनाल्ड ट्रम्पले निर्वाचन अभियानका बखत ब्यक्त गर्नुभएको मेक्सिको सीमामा पर्खाल निर्माण गर्ने घोषणा अब कार्यान्वयन हुने प्रक्रियामा रहेको जनाइएको छ।

संयुक्त राज्य अमेरिकाको दक्षिणतर्फ मेक्सिकोको सीमाक्षेत्र एकहजार नौसय चवन्न माइल (लगभग तीन हजार एकसय सत्ताइस किलोमिटर) लम्बाइमा फैलिएको छ।

यस सीमाक्षेत्रको धेरैजसो स्थानमा कतै स्टीलबाट निर्मित पाताका अग्ला र बलिया बार, कतै काँडेदार तारका लखाकी त कतै तारजालीका बार ठड्याई एक हदसम्म सीमा सुरक्षा गरिएका छन् । तर, अब भने ती धातुका बार बेर हटाई पक्की पर्खाल निर्माण हुने भएको छ।

सुरुमा, यस पर्खाल निर्माण गर्दा लाग्ने लागत खर्च मेक्सिकोलाई पनि बेहोर्न लगाउनुपर्छ भन्ने सोचाइमा राष्ट्रपति ट्रम्प रहनुभएको थियो र कतैकतै उहाँले यो कुरा उठाउनु पनि भएको थियो।

तर, अमेरिकाको यस्तो प्रस्तावले झस्कनु भएका मेक्सिकोका राष्ट्रपति इनरिक पेना नीटोले सो प्रस्ताव सुन्ने बित्तिकै मेक्सिकोले उक्त पर्खाल निर्माण परियोजनामा एक पैसा पनि नलगाउने भनी प्रतिक्रिया दिएका थिए।

राष्ट्रपति नीटो अरबौँ डलरको लागत रहेको पक्कि पर्खाल निर्माण गर्ने कार्यको बिरोधमा रहेको र यसलाई नचाहिँदो खर्च बताए।

मेक्सिकोले पर्खाल निर्माणको आंशिक लागत नबेहोर्ने भनी दोहोर्‍याई तेहोर्‍याई जनाएपछि राष्ट्रपति ट्रम्प पर्खाल निर्माण खर्च जुटाउने अर्कै उपाय अबलम्बन गर्नपट्टि लागेका छन्।

ह्वाइट हाउसका प्रवक्ता सिन स्पाइसरले बताए अनुसार मेक्सिकोबाट अमेरिका आयात हुने सबैथरी सरसामानमा थप बीस प्रतिशत भन्सार महसुल तथा कर असुल गरी यस रकम पर्खाल निर्माणमा खर्च गरिने नयाँ प्रस्ताव राष्ट्रपति ट्रम्पले राखेका छन्। यस नयाँ प्रस्ताव सम्बन्धमा अमेरिका भित्रै र बाहिर पनि बिभिन्न खाले प्रतिक्रिया आइरहेका छन्।

राष्ट्रपति ट्रम्पलाई भोट दिएर जिताउने, मेक्सिकोसँग सीमा टाँस्सिएको एरिजोना राज्यको प्रान्तीय राजधानी फिनिक्स निवासीहरु अधिकांशले पर्खाल निर्माण प्रस्तावको समर्थन र स्वागत गर्दै हर्ष प्रकट गरेका छन्।

उनीहरु निर्वाचन अभियानको क्रममा ट्रम्पले आँटेको ठूलो राष्ट्रिय योजना अब कार्यान्वयन हुन लागेकोमा खुशी देखिन्छन्।

वारका पार पर्खाल निर्माण भएमा ठूलो परिमाणमा लागू पदार्थको तस्करी भई अमेरिका छिराउने प्रमुख मार्ग वैध वा अवैध जुनसुकै तरिकाबाट भएपनि आप्रवासीहरुको ओइरो लाग्नेद्वार सदाका लागि बन्द हुने, पारिपट्टि जहिले पनि मारपीट, गोली हानाहान, हिंसा हत्या र कहिलेकाहिँ त तस्करका दुइथरी समूहबीच चल्ने भयानक नरसंहार देख्नु, सुन्नु, बेहोर्नु नपर्ने बताउँछन् एरिजोना, क्यालिफोर्निया र टेक्सास निवासीहरु।

यता, अमेरिकी अर्थ विश्लेषक भने मेक्सिकाली उत्पादनको आयातमा भन्सार तथा कर महसूल वृद्धि नै एक भरपर्दो र समुचित आयश्रोत नहुने बताउँछन्।
यही आयकै भरमा पर्खाल निर्माण गर्छु भन्नु ब्यर्थको एक प्रलाप मात्र हुनजाने प्रतिक्रिया रहेको छ अर्थविद्हरुको।

पर्खाल निर्माणको लागत जुटाउने सम्बन्धमा राष्ट्रपति ट्रम्पसँग ठोस कार्य योजना नभएको र विश्वसनीय आर्थिक श्रोत ठेगान लागेपछि मात्र निर्माण कार्य सुरु गर्नु बेस हुने सुझाव पनि उनीहरुले दिएका छन्। रासस/एपी


प्रतिक्रिया दिनुहोस !

लोकप्रिय

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.