काबुलः अफगानिस्तानको राजधानी काबुलमा रहेको एक अदालत नजिकै मंगलबार भएको आत्मघाती बम आक्रमणमा परी १२ जनाको मृत्यु भएको अफगानी अधिकारीले बताएका छन् । घटनामा १२ जना घाइते भएको बताइएको छ ।
एकजना आत्मघाती आक्रमणकारीले अदालतका कर्मचारीलाई लक्षित गरी विस्फोट गराएको अफगानिस्तानको गृह मन्त्रालयका प्रवक्ता नजिबुल्लाह डेनिसले बताए । आक्रमणकारी पैदल अदालत परिसरमा प्रवेश गरेको र अदालतको गाडी पार्किङ क्षेत्रमा विस्फोट गराएको डेनिसले जानकारी दिए ।
यस घटनाबारे विस्तृत विवरण प्राप्त भइनसकेको उनले बताए । यसैगरी पश्चिमी क्षेत्रमा पर्ने फराहमा भएको बम आक्रमणमा परी जिल्ला गभर्नरको मृत्यु भएको छ । खाक इ साफ्ड जिल्लाका गभर्नरको सोमबार राति हत्या भएको सरकारी अधिकारीले जानकारी दिएका छन् । घटनास्थल राजधानी काबुलदेखि ६९५ किलोमिटर पश्चिममा पर्दछ । आक्रमणको तालिवानी लडाकुले जिम्मेवारी लिएका छन् ।
प्रतिक्रिया दिनुहोस !
