काठमाडौं : नेपाली युवा क्रिकेटर सन्दीप लामिछाने विश्वका उत्कृष्ट क्रिकेटरको सूचीमा पर्न सफल भएका छन्।
विश्वका उत्कृष्ट ३० युवा क्रिकेटरको सूचीमा १६ बर्षीय सन्दीप परेका हुन् । क्रिकेट सम्बन्धी अनलाइन ‘अल आउट क्रिकेट’ले सन्दीपलाई विश्वका ३० उत्कृष्ट क्रिकेटरको ३० नम्बर सूचीमा राखेको छ।
विश्वका क्रिकेट सम्बन्धी लेखकको मतका आधारमा उक्त अनलाइनले उत्कृष्ट क्रिकेटरको सूची सार्वजनिक गरेको हो । सूचीमा नेपाली लेग स्पिनयर सन्दीपलाई भावी यासिर साहको संज्ञा समेत दिएको छ।
२२ वर्षसम्म उमेरका युवा क्रिकेटरको सूचीमा सन्दीप परेका हुन् । उक्त सूचीमा परेका मध्ये १५ जनाको नाम सार्वजनिक गरिएको छ भने अन्य १५ उत्कृष्टको नाम सार्वजनिक गरिएको छैन।
प्रतिक्रिया दिनुहोस !
