मोरङ र रुपन्देहीबिच उपाधि भिडन्त
गाईघाटः हिमालयन शेर्पालाई पछि पार्दै रुपन्देही ११ उदयपुरमा जारी चौथौँ रमपम गोल्डकपको फाईनलमा प्रवेश गरेको छ । झापा ११ लाई हराउँदै सेमिफाइनलमा प्रवेश गरेको हिमालयनलाई रुपन्देहीले सेमिफाईनलमा ३-२ ले पछि पारेको हो । जितसँगै रुपन्देही मोरङ ११ संग आगामी ५ गते फाईनल खेल्नेछ ।
रुपन्देहीको जितमा २० औँ मिनेटमा अमर डंगोलले खाता खोले । निकै प्रतिसपर्धात्मक खेलमा ३७ औँ मिनेटमा दिपक राईले थप १ गोल गर्दै टिमलाई अग्रता दिलाए । खेलको ८३ औं मिनेटमा शेर्पाको तर्फबाट विश्वास श्रेष्ठले १ गोल फर्काएका थिए ।
पाँच मिनेट थप गरिएकोमा ९१ औं मिनेटमा रुपन्देहीकै तर्फबाट दिपक राईले नै थप एक गोल गरे । त्यस लगत्तै ९२ औं मिनेटमा शेर्पाका विदेशी खेलाडी एलेक्सले १ गोल थपेका थिए ।
टिमका लागि निर्णायक गोल गर्न सफल रुपन्देहीका दिपक राई नै खेलको म्यान अफ दि म्याच घोषित भए । बुधबारको खेल सम्मानमा स्थानीय कर्मचारी र पत्रकारको विरुद्ध आयोजक र राजनीतिक दलबीच प्रतियोगिता हुने आयोजकले जनाएको छ ।
प्रतिक्रिया दिनुहोस !
