काठमाडौः नेपालका लागि यामाहा म्युजिकको आधिकारिक विक्रेता एमएडब्लु म्युजिक प्रालिले काठमाडौंको नक्सालमा नेपालकै ठूलो सांगीतिक उपकरण तथा प्रोफेसनल अडियो सिस्टमको सोरुम सुरु गरेको छ । नेपालको चर्चित संगीतिक समूह १९७४ एडीले यामाहा म्युजिक सोरुमको उद्घाटन गरेको हो ।
नयाँ सोरुममा यामाहा म्युजिकल इन्स्ट्रयुमेन्ट, प्रोफेसनल अडियो सिस्टम, अडियो-भिडियो इक्विपमेन्टसहित अन्तर्राष्ट्रिय रूपमा ख्यातिप्राप्त म्युजिकल ब्रान्ड ‘कोनिग एन्ड मेयर- र डी- अडारियोका एसोसिरिज पनि पाइनेछ । ‘हामीले सन् २००६ मा कान्तिपथमा पहिलो यामाहा म्युजिक सोरुम खोलेका थियौं ।
त्यसक्रममा हामीले संगीतप्रेमीका लागि अझ धेरै उपकरण र सुविधा भएको आउटलेट आवश्यक भएको अनुभव गर्यौं,- एमएडब्लु म्युजिक प्रालिकी कार्यकारी निर्देशक सलोनी सेठिया अग्रवालले भनिन्, ‘सांगीतिक उपकरण क्षेत्रमा विश्वकै अग्रणी ब्रान्ड यामाहासँग आबद्ध हुन पाएकोमा हामी गौरव महसुस गर्छौं ।- बुधबार सोरुम उद्घाटनपछि संगीतिक कार्यक्रम आयोजना गरिएको थियो, जसमा यामाहा म्युजिकका अन्तर्राष्ट्रिय प्रस्तुतिकर्ता युकी सिमादा, जिन्दावादका किरण शाही र सिल्भर सिरिनेडलगायतले संगीत पस्केका थिए ।
यामाहा म्युजिकको स्थापना संस्थापक तोराकुसी यामाहालेले सन् १८८७ मा गरेका थिए । अहिले यामाहाले पियानो, विन्ड इन्स्ट्रयुमेन्ट, स्ट्रिङ र पक्र्युसन इन्स्ट्रयुमेन्ट र डिजिटल म्युजिक इन्स्ट्रयुमेन्टसमेत उत्पादन गर्छ । विश्वमै प्रतिष्ठित यामाहा म्युजिकले विश्व बजारको २५ प्रतिशत हिस्सा ओगटेको छ ।
प्रतिक्रिया दिनुहोस !
