विराटनगर: विराटनगरका बैंक र वित्तीय संस्थाका कर्मचारीको लागि पाँच दिवसीय सिद्धमहायोग आरम्भ भएको छ । जगत गुरु श्री रामानन्दाचार्य सेवा पिठ, बराहक्षेत्र, चतराधामका पिठाधीश एवं संरक्षक श्री १००८ श्री श्री डा.कृष्णदास महाराजले मंगलबार विराटनगरमा पानसमा प्रज्वलन गरी शिविरको उद्घाटन गरेका छन् ।
स्थानीय वाणिज्य बैंकहरु, विकास बैंक, फाईनान्स कम्पनी र नेपाल राष्ट्र बैंकसमेत गरी ३० बैंकका एकसय ७ जना कर्मचारी तथा बैंकस सिद्धमहायोगमा सहभागी छन् । महायोगमा कृष्णदासले शरीरलाई स्वास्थ्य राख्न र मानसिक तानवबाट मुक्त राखी स्फूर्त तथा आनन्दित मन बनाउने विधिबारे ज्ञान दिने रामानन्दाचार्य सेवा पिठका उपाध्यक्ष राजेन्द्र राउतले बताए ।
उनले भने, 'अहिलेको भागदौडपूर्ण जीवनशैलीलाई सहज जिउने कलाबारे पनि गुरुज्यूले ज्ञान बाढ्नु हुनेछ ।' कार्यक्रममा सेवा पिठका उपाध्यक्ष गोविन्दबाबु तिवारीले गुरु परिचय गराएका थिए । नेपाल राष्ट्र बैंक विराटनगरका उप–निर्देशक रामशरण खरेलले स्वागत मन्तव्य राखे भने सुधा पौडेलले गुरुवन्दाना गीत गाएकी थिइन् । कार्यक्रमम फागुन २१ गतेसम्म हरेक दिन बिहान ६ बजेदेखि ८ बजेसम्म हुनेछ ।
प्रतिक्रिया दिनुहोस !
