एथ्लेटिको मड्रिडसँग सेभिल्ला पराजित

काडमाडौं : स्पेनिस ला लिगा अन्तरगत आइतबार राति भएको खेलमा सेभिल्ला एथ्लेटिको मड्रिडसँग ३-१ ले पराजित भएको छ ।

उपाधि होडमा रियल मड्रिड र बार्सिलोनालाई पछ्र्यारहेको सेभिल्ला पराजित भएसँगै बार्सिलोना र रयिल मड्रिडलाई राहत मिलेको छ । हारपछि पनि सेभिल्ला तेस्रो स्थानमै कायम रहेको छ । उसले २८ खेलबाट ५७ अंक जोडेको छ । पहिलो स्थानमा रहेको रियल मड्रिडको ६५ अंक रहेको छ, रियलले २७ खेल खेलेको समान खेल खेलेको बार्सिलोना ६० अंकका साथ दोस्रो स्थानमा छ । जितसँगै चौथो स्थानको एथ्लेटिको मड्रिडले ५५ जोडेको छ ।

घरेलु मैदानमा भएको खेलमा एथ्लेटिको मड्रिडका तर्फबाट जिताउन डिएगो गोडिन, एन्टोनी ग्रिजम्यान र कोकेले एक एक गोल गरे । ३७ औं मिनेटमा गोडिनले गोल गर्दै एथ्लेटिको मड्रिडले १-० को अग्रता दिलाए । ६१ औं मिनेटमा ग्रिजम्यान र ७७ औं मिनेटमा कोकेले गोल गरेपछि एथ्लेटिको मड्रिडले ३-० को अग्रता लियो । सेभिल्लाका लागि ८५ औं मिनेटमा योआकिन कोरेआले एक गोल फर्काए । यसले एथ्लेटिको मड्रिडको जितलार्य रोकन सकेन, एथ्लेटिको मड्रिडले ३-१ को जित हात पार्न सफल भयो ।
।
गए राति भएका अन्य खेलमा सेल्टा डि भिगोले डिप्रोटिभो डि लाकोरुनालाई १-० ले परराजित गर्यो भने स्पोर्टिङ गिजोनले ग्रनाडालाई ३-१ ले हरायो । लेगानेस र मालागाले गोलरहित बराबरी खेले ।