धारिलो हतियार प्रयोग गरि बालिकाको हत्या
दमक : झापाको दमकमा एक बालिकाको धारिलो हतियार प्रयोग गरि बिभत्स हत्या भएको छ । दमक-२ मा घर भएकी ९ बर्षीया गंगा दाहालको धारिलो हतियार प्रयोग गरि हत्या भएको इलाका प्रहरी कार्यालय दमकका प्रहरी प्रमुख राजन लिम्बुले जानकारी दिनुभयो ।
बिद्यालयबाट घर फर्किएकी गंगाको आफ्नै घरको माथिल्लो तलाको कोठामा हत्या भएको हो । उनको शव टाउको, छाती र कुम माथिको भागमा धारिलो हतियारले प्रहार गरीएको अवस्थामा भेटिएको हो । बुधबार करिब ५ बजे पछि उनकी आमाले शव देखेपछि प्रहरीलाई खबर गरिएको थियो ।
कक्षा-२ मा अध्ययनरत गंगा बिद्यालयबाट आएर पेट दुख्यो भन्दै आराम गर्न माथिको कोठामा गएको बेला यस्तो घटना भएको उनकी दिदीले बताइन् । घटना हुदा दिदि घर छेउको कलमा रहेको र आमा बाहिर भएको प्रहरीले जनाएको छ ।
प्रहरीले मृतककी दिदि सहित चार जनालाई नियन्त्रणमा लिएको छ । नियन्त्रणमा लिएका चारै जना माथी अनुषन्धान भइरहेको प्रहरी उपरिक्षक लिम्बुले बताउनुभयो । घटनाको बिस्तृत अनुषन्धान पछि मात्र हत्यारा पत्ता लाग्ने उहाँले बताउनुभयो ।
प्रतिक्रिया दिनुहोस !
