महाकाली नदीमा एक युवक बेपत्ता
बैतडी : महाकालीमा नदीमा नुहाउने क्रममा शनिवार दिउँसो बैतडीका एक युवक बेपत्ता भएका छन् । बेपत्ता हुनेमा पञ्चेश्वर गाँउपालिका १ शेरीका १८ वर्षीय रोहित सिंह घटाल रहेको जिल्ला प्रहरी कार्यालय बैतडीका प्रहरी नायव उपरिक्षक हेरम्व शर्माले जानकारी दिनुभयो ।
भारतीय सीमाबजार जमरसिऊबाट सामान ल्याएर फर्किएका रोहित दिउँसो ३ बजेतिर महाकाली नदीमा नुहाउने क्रममा पञ्चेश्वरको पुरघाट भन्ने ठाउबाट बेपत्ता भएका हुन् ।
रोहित कुलाउ माध्यमिक बिद्यालयमा कक्षा ११मा अध्ययनत रहेका थिए । बेपत्ता युवकको प्रहरी र स्थानीय बासिन्दाले खोजी कार्य जारी राखेका छन् । त्यस क्षेत्रका स्थानीय बासिन्दा दैनिक उपभोग्य सामानको लागी समेत महाकाली पारी सीमाबजारबाट ल्याउने गरेका छन् ।
यस्तै बुधबारदेखि चौलानी नदिमा बेपत्ता रहेका राजु नाथ (नबिन) को अवस्था पनि अज्ञात रहेको प्रहरीले जनाएको छ । बैतडीको डिलासैनी ५ गोकुलेश्वर,नगराउ घर भएका १६ वर्षीय नाथ बुधबार पौडी खेल्ने क्रममा बाट गोकुलेश्वर बाट बेपत्ता भएका थिए ।
प्रतिक्रिया दिनुहोस !
