बलत्कारीलाई मृत्युदण्डको माग

बर्दिबास: आफ्ना व्यवसायी साथीको सामुहीक बलत्कारमा संलग्नहरुलाई मृत्युदण्डको सजाय हुनुपर्ने माग सौन्दर्यकर्मीहरुले गरेका छन् । सौन्दर्य व्यवसायी(व्यूटिसियन)हरुले दोषीलाई मृत्युदण्ड दिनुपर्ने माग गर्दै विहीबार बर्दिबासमा विरोध कार्यक्रम आयोजना गरेका हुन् । राष्ट्रिय सौन्र्दयकर्मी युनियन नेपालमा आवद्ध धनुषा, महोत्तरी, सर्लाही, सिन्धुली र सिरहा गरी पाँच जिल्लाका सौन्दर्यकर्मीहरु आन्दोलनमा छन् ।

महोत्तरीको औरही गाउँपालिका—२ फूलबारीयाकी एक २० बर्षीया सौन्दर्यकर्मी(ब्युटिसियन) लाई जेष्ठ २८ गते आइतबार साँझ ब्युटीपार्लरबाट फर्किदै गर्दा युवाहरुको समुहले सामुहीक बलत्कार गरेका थिए । घटनामा संलग्न रहेको आरोपमा प्रहरीले औरही गाउँपालिका २ का २६ वर्षीय सुनिल साहमाथि जबर्जस्तीकरणीको मुद्दा दर्ता गरेर कारवाही सुरु गरेको छ भने अन्य तीन युवा फरार युवाको खोजी कार्य जारी रहेको जिल्ला प्रहरी कार्यालय महोत्तरीका डिएसपी दिपक पोखरेलले बताउनुभएको छ । पीडितले जेठ २९ गते दिएको जाहेरीको आधार आरोपितविरुद्ध प्रहरीले बलात्कारको मुद्दा दर्ता गरिएको थियो। 

दण्डहीनताका कारण समाजमा अपराध बढिरहेको अन्तरपाटी महिला सञ्जाल बर्दिबासकी अध्यक्ष सारदा थापाले बताउनुभयो । उहाँले बलत्कारजस्तो जघन्य अपराधमा संलग्नलाई फाँसी नदिएसम्म यस्ता घटनामा कमी नहुने दावी गर्नुभयो । ले नेपाली समाज पीडित भयो, ’ उहाँले भन्नुभयो,‘बालात्कारी गर्ने दोषीलाई फाँसी दिइयोस् ।’

बर्दिबासमा नागरिक समाजका अगुवा कुर्महरी सुवेदीले सरकारसंग नारी अस्मितालाई सुरक्षा गर्नु माग गर्नु भयो । राष्ट्रिय सौन्र्दयकर्मी युनियन नेपाल, धनुषाकी सल्लाहकार नम्रता राईले महिला हिंसा न्यूनिकरणका लागि राज्य कडा रुपमा प्रस्तुत हुनुपर्नेमा जोड दिनुभयो ।