काठमाडौं : अन्नपूर्ण मिडिया नेटवर्कका अध्यक्ष रामेश्वर थापालाई पितृशोक परेको छ । अध्यक्ष थापाका पिता बलबहादुर थापाको ७८ वर्षको उमेरमा आइतबार बिहान ५:२० बजे चपलीस्थित आफ्नै निवासमा निधन भएको हो।
उहाँ लामो समयदेखि मुटु, उच्च रक्तचाप, सुगर, मृगौला लगायतका रोगबाट पीडित हुनुहुन्थ्यो । उहाँका दुई छोरा र चार छोरी हुनुहुन्छ । थापा कुसादेवी क्षेत्रका एक अग्रणी समाजसेवी हुनुहुन्थ्यो । उहाँले कुसादेवीको बिवाहरमा शिक्षा क्षेत्रमा पनि थुप्रै योगदान पुर्याउनु भएको छ । त्यहाँका विद्यालय तथा उच्च मावि स्थापना गर्ने कार्यमा उहाँको अतुलनीय योगदान रहेको छ ।
हरेक वर्ष त्यस क्षेत्रका सामुदायिक विद्यालयबाट विभिन्न तहमा उत्कृष्ट हुने विद्यार्थीलाई पुरस्कार प्रदान गर्दै आउनु भएको थियो । गाउँमा बिरामी बोक्न भएको असुविधालाई ध्यानमा राख्दै गाउँलार्इ एम्बुलेन्स उपलब्ध गराउनु भएको थियाे।
प्रतिक्रिया दिनुहोस !
