बारा : वाम गठबन्धनकी उम्मेदवार ज्वाला साह बारा क्षेत्र नम्बर ३ क मा प्रदेशसभा सदस्यमा निर्वाचित भएकी छिन् । नेकपा माओवादी केन्द्रकी नेतृ साह ११ हजार सात सय ७१ मत ल्याउदै निर्वाचित भएकी हुन् ।
उनका निकटतम प्रतिष्पर्धी नेपाली कांग्रेसका उम्मेदवार रामानन्द प्रसाद यादवभन्दा एक हजार ६ सय २४ मत बढी ल्याएर निर्वाचित भइन् । कांग्रेसका यादवले १० हजार एक सय ४७ मत प्राप्त गरेका छन् ।
मतगणनाको सुरुवातीदेखिनै साहले अग्रता लिएकी थिइन् । साह पूर्व भूमिसुधार राज्य मन्त्री र पूर्व सभासद् समेत हुन् ।
अन्तिम मतपरिणामअनुसार संघीय समाजवादी फोरमका रुपलाल चौधरीले ६ हजार तीन सय ८२ मत प्राप्त गरे । वामगठबन्धनबाट असन्तुष्टी जनाउदै स्वतन्त्र उम्मेदवारी दिएका भरत खड्काले एक हजार तीन सय आठ मत प्राप्त गरे । यो क्षेत्रमा १४ जनाले उम्मेदवारी दिएका थिए ।
प्रतिक्रिया दिनुहोस !
