चौथो पटक आमा बन्दै इभा
काठमाडौं : हलिउड अभिनेत्री इभा लंगोरिया आमा बन्ने भएकी छिन्। उनका श्रीमान् जोस बास्टन हुन्। उनले छोरालाई जन्म दिने जनाउ चिकित्सकहरूले दिइसकेका छन्। इभा गर्भवती भएको गाइँगुइँ चलिरहेका बेला उनका मिडिया प्रतिनिधिले उनी गर्भवती भएको चार महिना बितिसकेको जनाएका छन्। इभा र जोसबीच सन् २०१३ देखि अफेयर सुरु भएको थियो। सन् २०१६ को मार्चमा उनीहरूको विवाह भएको थियो।
यसअघि पूर्वपतिबाट इभाले तीन सन्तानलाई जन्म दिइसकेकी छिन्। ‘द सेन्टिनेल’, ‘ओभर हर डेड बडी’, ‘द ग्रेटर ग्लोरी’, ‘फ्रोन्टेरा’, ‘लो राइडर्स’जस्ता हिट फिल्ममा काम गरेकी इभाले गर्भवती भएकै कारण केही फिल्ममा काम गर्ने अफर धमाधम अस्वीकार गरिरहेकी छिन्।
प्रतिक्रिया दिनुहोस !
