एजेन्सी: संसारका अर्बौँ मानिसहरु केही रुपैयाँका लागि पलपल तड्पिरहेका बेला भारतको एउटा सहरमा भने एक अर्ब ५३ करोड रुपैयाँ बराबरका पुराना नोटको ओच्छ्यान नै भेटिएको छ ।
समाचार अनुसार भारतको उत्तर प्रदेशस्थित कानपुरमा सरकारी अधिकारीहरुले छापा मार्ने क्रममा ९६ करोड भारतीय रुपैयाँ (एक अर्ब ५३ करोड नेपाली रुपैयाँ) का नोटको बिटाको ओच्छयान नै फेला पारेका हुन् ।
कानपुरमा छापा मार्ने क्रममा डेढ अर्ब भन्दा धेरै नेपाली रुपैयाँ ओछ्याएको बेड भेटिएको हो । त्यस क्रममा प्रहरीले १६ जनालाई पनि पक्राउ गरेको छ।
खबर अनुसार, यो छापा मार्नका लागि कानपुर पुलिसलाई राष्ट्रिय जाँच एजेन्सी (एनआईए) बाट सूचना मिलेको थियो । एनआईए र स्थानीय सुरक्षा एजेन्सीलाई केही दिनअघि त्यहाँ पुराना नोट राखिएको सूचना मिलेको थियो । त्यसपछि प्रहरीले मंगलवार एनआईएसँग मिलेर अलग अलग स्थानमा छापा हानेको थियो ।
एनआईएले मंगलवार अबेर छापा मारेर एक बन्द घरबाट करिब ९६ करोड रुपैयाँका पुराना नोट बरामद गरेको हो । १ हजार र ५ सय दरका पुराना नोट ठेकेदारको दुई घरका तीनवटा कोठाबाट बरामद भएका हुन् ।
#WATCH Police seized demonetized currency worth crores from a residential premises in Kanpur. pic.twitter.com/Hh7sLrWwoG
— ANI UP (@ANINewsUP) January 17, 2018
यस मामिलाको सम्बन्ध हैदराबाद, केरल, दिल्ली र मुम्बई जस्ता शहरमा जोडिएको तथ्य अनुसन्धानले खुलाएको छ ।
भारतीय प्रहरीका एडीजी (ल एन्ड अर्डर) आनन्द कुमारले बुधबार बताए अनुसार एक अभियुक्तको जानकारी र एनआईएबाट आएको सूचनामा पुराना नोट साट्नका लागि कानपुरको एक होटलमा कारोबारी बसेको पत्ता लागेको थियो । त्यसपछि स्थानीय प्रहरीले मंगलवार होटलमा रेड हानेको थियो । छापाका क्रममा केही मानिसलाई गिरफ्तार गरिएको छ ।
कानपुरका एक ठेकेदार आननन्द खत्रीको घरबाट यो पैसा बरामद भएको हो । पुलिसका अनुसार ९६ करोड खत्रीको घरका दुईदेखि तीन कोठामा राखिएको थियो ।
कानपुरको स्वरूप नगर इलाकामा रहने आनन्द खत्री गुजरातको सुरतका स्थायी बासिन्दा हुन् । उनी रियल स्टेटसँगै कपडाको पनि व्यापार गर्छन् । सुरतमास उनका केही उद्योग पनि छन् ।
पुलिसका अनुसार खत्रीका रियल स्टेट र कपडाकासहित जम्मा २१ वटा कम्पनी रहेका छन् । रियल स्टेटको कारोबार लखनउ, नोएडा, कानपुर र सुरतमा फैलिएको छ ।
प्रतिक्रिया दिनुहोस !
