मियाको बलिउड इन्ट्री
अमेरिकी पोर्नस्टार मिया मालकोभा अभिनीत बलिउड फिल्म ‘गड, सेक्स एन्ड ट्रुथ मिसन’को ट्रेलर सार्वजनिक भएको छ। रामगोपाल वर्मा निर्देशित यो सर्ट फिल्म शुक्रवार मियाको आधिकारिक भिमियो च्यानलमा रिलिज हुँदैछ।
ट्रेलरको सुरुमै मनोविश्लेषक सिगमन्ड फ्रायडको चर्चित भनाइ ‘यौन सबैभन्दा ठूलो कुरा हो र सदा रहनेछ’लाई उद्धृत गरिएको छ। शास्त्रीय धुन प्रयोग गरिएको ट्रेलरलाई दर्शकले रुचाएका छन्। यसलाई ट्वीटरमा रिलिज गरिएको थियो। ट्रेलरमा मियाले आफू पोर्नस्टार बन्नुको उद्देश्यमाथि बोलेकी छिन्।
केही महिलाअधिकारवादी संस्थाले फिल्मको विरोध गरेका छन्। उनीहरूले यसलाई फोहरी फिल्म भनेका छन्। फिल्ममाथि प्रतिबन्ध लगाइनुपर्ने माग राख्दै उनीहरूले निर्देशक वर्माको पुतला पनि जलाएका छन्।
प्रतिक्रिया दिनुहोस !
