काठमाडौं : एमाले उपाध्यक्ष वामदेव गौतमले पार्टी एकताको ९५ प्रतिशत काम सकिएको बताएका छन् । एमाले–माओवादी एकता संयोजन समितिको बैठकले एकताको विषयमा अधिकांश विषयमा टुंगो लगाएको जानकारी नेता गौतमले दिएको एमाले अध्यक्ष केपी शर्मा ओलीका प्रेस संयोजक चेतन अधिकारीले जानकारी दिए ।
गौतमलाई उद्धृत गर्दै अधिकारीले भने, ‘पार्टी एकताको ९५ प्रतिशत काम सकिएको छ ।’
एकता संयोजन समितिको बैठकमा दुई अध्यक्ष समान समान हैसियतमा रहँदा आउन सक्ने कानुनी एवं व्यावहारिक जटिलताका विषयमा छलफल भएको थियो ।
यसअघि एमाले र माओवादी केन्द्रले आ–आफ्नो पार्टीले पार्टी एकताका विषयमा छलफल गरेका थिए ।
त्यसलगत्तै एमाले अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल प्रचण्डबीच ‘वान टु वान’ बैठकपछि पार्टी एकता संयोजन समितिको बैठक बसेको हो । आजै एकताको घोषणा गर्ने गरी छलफल भइरहेको नेताहरुले बताएका छन् ।
प्रतिक्रिया दिनुहोस !
