सूर्योदय मेयर कप सुरु
इलाम : सुर्योदय नगरपालिकास्थित करफोकमा शनिबार सुरु भएको प्रथम सूर्योदय मेयरकप आमन्त्रण फुटबल प्रतियोगितामा आयोजक सूर्योदय नगरपालिकाले जीतको सुरुवात गरेको छ । प्रतियोगिताको पहिलो तथा उद्घाटन खेलमा माई नगरपालिकालाई शुन्यका विरुद्ध तीन गोल गर्दै सूर्योदय नगरपालिकाले जितेको हो ।
खेलको दोस्रो मिनेटमा आशिष राईले गोल गरेर खाता खोलेका थिए । उनको गोलसँगै अग्रता लिएको सूर्योदय नगरपालिकाका लागि २८ र ३४ औं मिनेटमा सञ्जोक खड्काले गरेको थप दुई गोलसँगै जीत सुनिश्चित जस्तै भएको थियो । आइतबार कन्काई नगरपालिका झापा र देउमाई नगरपालिका बीच खेल हुने नगरपालिकाका प्रवक्ता पेमा उगेन लामाले बताए ।
चैत्र ३ गते सम्पन्न हुने प्रतियोगितामा इलाम, झापा र पाँचथरका ११ नगरपालिकाको सहभागीता रहने छ । प्रतियोगिताका विजेताले एक लाख २५ तथा उपविजेताले ८५ हजारसहित शिल्ड, मेडल र प्रमाणपत्र प्राप्त गर्नेछन् ।
प्रतिक्रिया दिनुहोस !
