टिपर खस्दा एकको मृत्यु, चार घाइते
तानसेन : तानसेन बुटवल सडकखण्डको झुम्सामा बुधबार दिउँसो टिपर दुर्घटना हुँदा एकको मृत्यु भएको छ भने ४ घाइते भएका छन् । मृत्यु हुनेमा रिव्दिकोट गाउँपालिका–२ देउरालीका १७ वर्षीय देवेन्द्र लम्तरी रहेका छन्।
बुटवलबाट तानसेनतर्फ आउँदै गरेको लु १ ख ९००५ नम्बरको टिपर तिनाउँ गाउँपालिका –३ झुम्सामा दुर्घटना भएको हो। टिपर सडकदेखि ४० मिटर तल खसेको प्रहरीले जनाएको छ।
घाइते हुनेमा तिनाउँ गाउँपालिका–३ झुम्साका तारा गाहा, उनकी श्रीमती धनी गाहा, छोरा रोशन गाहा, चालक नवलपरासी सेमरी गाउँपालिका–७ का धनबहादुर गुरुङ रहेका छन्। घाइतेहरुको लुम्बिनी अञ्चल अस्पताल बुटवलमा उपचार भइरहेको छ प्रहरीले बताएको छ।
प्रतिक्रिया दिनुहोस !
