काठमाडौं : कांग्रेस केन्द्रीय समिति बैठकमा कांग्रेस प्रवक्ता विश्वप्रकाश शर्माले पार्टीलाई आधुनिकीकरण गर्न ‘डिजिटलाइज गर्नेदेखि थिंक ट्यांकसम्म गठन गरेर जानुपर्ने’ प्रस्ताव राखेका छन् । बुधबारको बैठकमा शर्माले लिखित रूपमै पार्टी रूपान्तरण गर्न सैद्धान्तिक पुनव्र्याख्यादेखि पार्टीको प्रशासनसम्म सुधारको खाँचो औंल्याएका हुन् ।
शर्माले लिखित तीन बुँदामा कांग्रेस पराजयका आन्तरिक ६ कारण उल्लेख गरेका छन् । निर्वाचनपछि पार्टी प्रवक्ताको जिम्मेवारी पाएका शर्माले पार्टीलाई डिजिटलाइज गर्ने र नीति तथा प्रशिक्षण प्रष्ठिानअन्तर्गत थिंक ट्यांक बनाउनुपर्ने माग गरेका हुन् । शर्माले यस्तो थिंक ट्यांकले पार्टीको अवस्थादेखि समग्र राजनीतिबारे अध्ययन÷विश्लेषण गर्ने उल्लेख गरेका छन् ।
उनले पार्टी सुदृढ गर्न प्रत्येक खाली हातका लागि कुनै न कुनै योजना ल्याउन प्रस्ताव गरेका छन् । त्यस्तो कार्यक्रमलाई उनले ‘जगेडामुक्ति’ भनेका छन् । कांग्रेसभित्र शीघ्र महाधिवेशनको आवाज आइरहँदा शर्माले भने महाधिवेशनबारे केही बोेलेका छैनन् । मंगलबारको बैठकमा दुई युवा समूहले शीघ्र महाधिवेशन प्रक्रियामा अघि बढ्न माग गरेका थिए । शर्माद्वारा लिखित बँुदामा परम्परागत सांगठनिक शैली, सम्प्रेषण क्षमतामा ह्रास, महŒवपूर्ण मुद्दामा बहिर्गमन, ओझेलमा परेको भविष्य दृष्टि, छविमा भएको क्षति र मुर्छाएको आत्मीयताजस्ता आन्तरिक कारण कांग्रेसले गत निर्वाचनमा पराजय व्यहारेको उल्लेख छ । बैठकमा विमलेन्द्र निधि, शंकर भण्डारी, मोहनबहादुर बस्नेत, महेश आचार्य र प्रकाशशरण महतले बोलेका थिए । महतले बोलेसँगै बैठकमा केन्द्रीय सदस्यले बोल्ने क्रम सकिएको छ ।
प्रतिक्रिया दिनुहोस !
