आर्मीले उचाल्यो सिमरा गोल्डकपको उपाधि

आर्मीले उचाल्यो सिमरा गोल्डकपको उपाधि

 

सिमरा : नवौं सिमरा गोल्डकपको उपाधि विभागीय टोली त्रिभुवन आर्मी क्लबले उचालेको छ । सिमरा रंगशालामा शनिबार भएको फाइनल खेलमा आर्मीले बलियो प्रतिद्वन्द्वी थ्रीस्टार क्लबलाई २-० गोलले हरायो । सिजनको पाँचौं उपाधि उचालेको आर्मीको जितमा दिनेश हेम्जन र नवयुग श्रेष्ठले गोल गरे । आर्मी सिमरा गोल्डकपको छैटौं संस्करणको विजेता पनि हो ।

रोमाञ्चक फाइनल भिडन्तमा आर्मीले दुवै गोल खेलको दोस्रो हाफमा गरेको थियो । आर्मीका दिनेश हेम्जनले ५८औं मिनेटमा गोल गर्दै टोलीलाई अग्रता दिलाए । थ्रीस्टारका रक्षांपक्ति अल्मलिन पुग्दा हेम्जनले गरेको प्रहारले सिधै जाली चुमेको थियो । आर्मीका लागि ७४औं मिनेटमा नवयुग श्रेष्ठले दोस्रो गोल थपे । भरत खवासको प्रहार थ्रीस्टारका रक्षापंक्तिले फर्काउने क्रममा नवयुगको खुट्टामा पुगेपछि उनले सोझै गोल गरे । आर्मीविरुद्ध उत्कृष्ट तालमेल देखाए पनि थ्रीस्टारले अवसरको सदुपयोग गर्न नसक्दा उपविजेतामा चित्त बुझाउन बाध्य भयो ।

उपाधिसँगै आर्मीले पाँच लाख ५१ हजार रुपैयाँ हात पार्‍यो । उपविजेता थ्रीस्टारले दुई लाख ५१ हजार रुपैयाँ पायो । प्रतियोगिताको सर्वोत्कृष्ट खेलाडी आर्मीका दिनेश हेम्जन घोषित भए । उनले यामाहा मोटरसाइकल प्राप्त गरे । प्रतियोगिताको विधागत पुरस्कारमा पनि आर्मी हावी देखियो । सर्वोत्कृष्ट खेलाडी घोषित भएका दिनेशले सर्वाधिक गोलकर्ताको पुरस्कार पनि प्राप्त गरे । प्रतियोगितामा तीन गोल गरेका उनले १५ हजार रुपैयाँ प्राप्त गरे । खेलको म्यान अफ दी म्याच सन्तोष तामाङ घोषित भए ।

प्रतियोगितामा थ्रीस्टारका कप्तान नीराजन खड्काले उत्कृष्ट मिडफिल्ड, गोलरक्षक विकेश कुथु (आर्मी), उत्कृष्ट डिफेन्डर विमल पाण्डे (आर्मी), स्ट्राइकर जर्ज प्रिन्स कार्की (आर्मी) ले प्राप्त गरे । फेयर प्लेको अवार्ड आयोजक नवजनजागृति क्लब नीलोले हात पार्‍यो ।

थ्रीस्टारका प्रशिक्षक मेघराज केसीले टिमको प्रदर्शन उत्कृष्ट रहँदारहँदै पनि पराजय भोगेको बताए । आर्मीविरुद्ध टिमका खेलाडीले खेलेको खेल प्रशंसनीय रहेको उनको भनाइ थियो । आर्मीलाई राम्रो चुनौती दिएको भन्दै केसीले दर्शकको मन जित्ने गरी टिमका खेलाडीले खेल खेलेको बताए । आर्मीका प्रशिक्षक नवीन न्यौपानेले थ्रीस्टारविरुद्ध बनाएको रणनीतिअनुसार टिमले प्रदर्शन गरेको बताए । दुवै टिमले उत्कृष्ट सुरुवात गरेको भन्दै न्यौपानेले पहिलो गोल गर्नु नै खेलको टर्निङ पोइन्ट रहेको बताए ।

 

 


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.