'भारतसँगको चार बुँदे सम्झौता विकासको लागि कोसेढुंगा'
विराटनगर : नेपाल- भारत समाजिक संस्कृत मञ्चले नेपाल र भारतबीच भएको चार बुँदे सम्झौता मुलुकको विकासको लागि कोसेढुङ्गा सावित हुने भन्दै स्वागत गरिएको छ । सांस्कृतिक मञ्चका अध्यक्ष राजेशकुमार शर्माले दुई देशबीच भएको सम्झौताले नेपालको आर्थिक एवं प्रविधिको विकासमा कोशेढुंगा सावित हुने भन्दै स्वागत गरिएको हो ।
प्रेस विज्ञिप्त निकालेर जलस्रोतको धनी देश नेपाल अगामी १० वर्षमा १० हजार मेघावाट विद्युत् खरिद गर्ने गरी भारतले नेपालसँग सम्झौता गर्नु नै नेपालको समृद्धिको ढोका खोलिनु सहर भएको उल्लेख गरिएको छ । विज्ञिप्तमा भनिएको छ,'अब नेपालले जतिसक्दो धेरै विद्युत् उत्पादनमा ध्यान दिनुपर्छ ।'
सरकारले दीर्घकालीन योजना बनाएर सम्झौता अनुसारको काम अघि बढाउने केन्द्रित हुनुको विकल्प नभएको उल्लेख गरिएको छ । भारतीय विदेशमन्त्री डा.एस जयशंकरको नेपाल भ्रमणका क्रममा नेपालसँग चारबुँदे सम्झौता भएको थियो ।
चारवटै सम्झौता नेपालको आर्थिक विकासका लागि महत्वपूर्ण रहेको मञ्चको दावी रहेको छ । ‘नेपाल सरकारसँगको समन्वयमा भारतीय दुताबास मार्फत् २० करोड रुपैयाँसम्मका योजनामा खर्च गर्न पाउने गरी भएको सम्झौताको प्रावधान अझै सह्रानीय रहेको उल्लेख गर्दे विज्ञिप्तमा भनिएको छ,'यसले कुनाकाप्चा र दुरदराजमा भारतीय सहयोग पुग्नेछ । धेरै नेपालीले यसबाट लाभ उठाउने छन् ।’
भारतीय विशेमन्त्री जयशंकरको भ्रमणका क्रममा स्याटेलाइट प्रक्षेपण गर्न भारतले सहयोग गर्ने सम्झौता पनि भएको थियो । ‘नेपाल विज्ञान तथा प्रविधि प्रज्ञा प्रतिष्ठान (नास्ट) र भारतीय अन्तरिक्ष अनुसन्धान संस्था तथा अन्तरिक्ष विभागका तर्फबाट न्यू स्पेस इन्डिया (एनएसआईएल) बीच ध्रुवीय उपग्रह प्रक्षेपण वाहन मुनाल उपग्रह प्रक्षेपण सेवासम्बन्धी सम्झौतामा पनि हस्ताक्षर हुनु अझै महत्वपूर्ण भएको उल्लेख गरिएको छ ।
यस्तै,भूकम्पपछिको पुनः निर्माणका लागि १ खर्ब अनुदान सहयोग गर्नेबारे भारतले गरेको घोषणाले धेरै नेपालीलाई राहत मिलेको उल्लेख गरिएको छ ।