समय
समयबाहेक
अतीतका कन्तुरमा
चाङ लागेर बसेका बेलपत्रहरूसमेत
धमिलिँदै जाँदा रहेछन्
के मात्र सिकाएन
समयको पाठशालाले ?
जीवनमा
गहन अर्थ छ
चम्किरहेका ताराहरूको
उदाउँदो घाम
र, सरसराउँदो हावाको
सुसाइरहेको नदी
दर्किरहेको पानी
र, तप्किरहेको बलेसीको
नवजात शिशुको पहिलो रुवाइ
जननीको प्रसवपछिको पहिलो मुस्कान
आवेग, उल्लास र उमंगहरू...
शोकग्रस्त घरको उदास आँगन
बिछोडमा चल्ने नमीठो बतास
दुःख, सुस्केरा र उदासीहरू...
जीवनका अनमोल कडी हुनयी सबको आलेख हो समय
धर्ती र मान्छेलाई
सतत नियालिरहन्छ समय
समयसँग खेलवाड गर्नेसँग
समयले पनि खेलवाड गर्छ ।