मलंगवा : सशस्त्र प्रहरीको एपीएफ क्लब लालबन्दी गोल्ड कप फुटबल प्रतियोगिताको सेमिफाइनलमा पुगेको छ । विजय युथ क्लब हेडौंटालाई २–० ले पराजित गर्दै एपीएफ सेमिफाइनलमा प्रवेश गरेको हो ।
एपीएफको जितका लागि रुपबहादुर लामा र प्रविण स्याङतानले एक–एक गोल गरे । प्रतियोगिता अन्तर्गत शनिबार भएको खेलमा जावालखेल युथ क्लब ललितपुरलाई पराजित गर्दै झापा–११ सेमीफाइनलमा प्रवेश गरिसकेको छ ।
जिल्ला फुटबल संघ सर्लाही र लालबन्दी नगरपालिकाको संयुक्त आयोजनामा जेठ २४ गतेदेखि जारी प्रतियोगतामा १० क्लब सहभागी छन्।
प्रदेश २ कै ठूलो राशीको प्रतियोगिताका विजेताले ७ लाख र उपविजेताले ३ लाख ५० हजार प्राप्त गर्नेछन् । सँगै एक उदयमान खेलाडीलाई मोटरसाइकल र उत्कृष्ट खेलाडीलाई नगद पुरस्कारको व्यवस्था गरिएको छ । प्रतियोगिताको फाइनल खेल असार २ गते हुनेछ ।
प्रतिक्रिया दिनुहोस !
