राजविराज : बालिका बलात्कार गरेको आरोपमा सप्तरीका ६५ वर्षीय एक वृद्ध पक्राउ परेका छन्। १४ वर्षीया बालिकालाई बलात्कार गरेको आरोपमा सप्तरी प्रहरीले हनुमाननगर कंकालिनी नपा-१ भारदहका ६५ वर्षीय सिंहेश्वर पाण्डेलाई पक्राउ गरेको जनाएको छ।
भैसी चराउन जंगल गएको समयमा बालिकालाई पछिल्लो पटक जेठ २१ गते र त्यसअघि पटक-पटक बलात्कार गरेको भन्दै पीडितका बुवाले गत शुक्रबार इलाका प्रहरी कार्यालय भारदह र कञ्चनरुपमा उजुरी दिएपछि पाण्डेलाई पक्राउ गरिएको एसपी मुकेशकुमार सिंहले बताए।
पीडितको राजविराजस्थित अञ्चल अस्पतालमा शुक्रबार स्वास्थ्य परीक्षण गरिएको छ। इलाका प्रहरी कार्यालय कञ्चनरुपले आरोपितविरुद्ध उजुरी दर्ता गरी आइतबार अदालतबाट म्याद थप गरेको जनाएको छ।
प्रतिक्रिया दिनुहोस !
४
