पोखरा : जो कोहीलाई पनि अचम्म लाग्न सक्छ गाईले एकै बेतमा तीनवटा बाच्छी जन्माएको सुन्दा। कास्कीको माछापुच्छे गाउँपालिका-४ लाहाचोकस्थित गणेश ढकालको घरमा पालेको जर्सी गाईले सोमबार एकै बेतमा तीनवटा बाच्छी जन्माएको छ।
गाईले सामान्य अवस्थामा तीनवटा बाच्छी जन्माए पनि एउटा भने लगभग तीन घण्टापछि मरेको र बाँकी दुईवटा सामान्य अवस्थामा रहेको कृषक ढकालले जानकारी दिए।
उनका अनुसार गत वर्ष दूध दिँदै गरेको अवस्थामा पुरन्चौरबाट किनेर ल्याएको सो गाईले दैनिक १० लिटर दूध दिन्छ। रासस
प्रतिक्रिया दिनुहोस !
