काठमाडौं : राजधनीको जडिबुटीमा टिप्परको ठक्करबाट स्कुटरमा सवार दुईजना गम्भीर घाइते भएका छन्।
बुधबार बिहान बा ४ ख ३५५८ नम्बरको टिप्परले स्कुटरलाई ठक्कर दिँदा स्कुटमा सवार दुई महिला गम्भीर घाइते भएको प्रहरीले जनाएको छ।
घाइते दुईजनालाई उपचारका लागि ललितपुर ग्वार्कोस्थित बिएन्डबी अस्पताल लगिएको प्रहरीले जनाएको छ। स्कुटर चालकको नाम अस्मिता भण्डारी रहेको प्रहरीले जनाएको छ।
टिप्पर चालक फरार छन् भने आक्रोशित सर्वसाधारणले टिप्परमा आगजनी गरेका छन्।
ठक्कर दिएपछि लडेको स्कुटरलाई ब्याक गरेर पुनः किचेको प्रत्यक्षदर्शीको आरोप छ। घटनाबारे विस्तृत विवरण आउन बाँकी छ।
प्रतिक्रिया दिनुहोस !
