वैतडी : वर्षा सुरु भएसँगै बैतडीका विभिन्न स्थानमा पहिरोको जोखिम बढेको छ । जिल्लाको पाटन नगरपालिका-८ खोड्पेमा शनिबार दिउँसो खसेको पहिरोले बजार नजिकै रहेको पेट्रोल पम्पमा क्षति पु¥याएको छ ।
केही दिनमै सञ्चालनको तयारीमा रहेको पम्पको पर्खाल भत्काएको पेट्रोल पम्पका सञ्चालक भानु विष्टले बताए । उनले भने, ‘करिब १ करोड लगानीको पेट्रोल पम्प सञ्चालन तयारी गरेको थिएँ, पहिरोले लगानी नै डुब्ने स्थिति आएको छ ।’ पर्खालका कारण तलतिरको बस्ती पनि जोखिममा परेको छ । पहिरोले ३० मिटर तलबाट लगाएको पर्खाल भत्काएको विष्टले बताए ।
दैनिक वर्षा भइरहेकाले पहिरोको जोखिम झन् बढेको स्थानीयले बताएका छन् । तीन जिल्लाको संगममा पेट्रोल पम्प सञ्चालनको तयारी गरिएको भए पनि पहिरोले पेट्रोल पम्प सञ्चालन गर्ने सपना उडाएको विष्टले बताए । स्थानीय हरिश विष्टले ६ वर्षअघि खोड्पेमै पहिरो खसेर ६ जनाको ज्यान गएको बताए । उनका अनुसार अहिले पनि दुई घर पहिरोको जोखिममा छन् । कैयौं रोपनी जमिन नासिने अवस्थामा छ । पर्खाल भत्केपछि पर्खालमा अड्किएका ढुंगा व्यवस्थापन थालिएको विष्टले बताए ।
मकैबाली नष्ट, घर पनि जोखिममा
शनिबार नै परेको अविरल वर्षाले जिल्लाको सुर्नया गाउँपालिका-६ को धुलिधारमा मकैबाली नष्ट गरेको छ । अविरल वर्षाका कारण आएको भेलले स्थानीय किसानले लगाएका मकैबाली नष्ट गरेको वडादस्य भीमदत्त अवस्थीले बताए । गाउँमा करिब २० परिवारको मकैबाली नष्ट भएको छ भने गह्रा खोल्सामा परिणत भएका वडासदस्य अवस्थीले बताए । यस्तै, सुर्नया-६ कोखेतमा वर्षाको भेलले खानेपानी मुहान पुर्दा स्थानीयलाई खानेपानीको सकस भएको छ । वर्षाका कारण कुल्ढाँड खोलामा आएको बाढीले पानीको मुहान पुरेको स्थानीय नवराज अवस्थीले बताए ।
प्रतिक्रिया दिनुहोस !
