काठमाडौं : एभरेष्ट बैंक धनगढी शाखाले संस्थागत सामाजिक उत्तरदायित्य कार्यक्रमअन्तर्गत धनगढी उपमहानगरपालिका-१३ कैलाली गाउँस्थित निलासैनी गुरुकुल संस्कृत विद्यापीठलाई संस्कृत तथा धार्मिक पुस्तक वितरण गरेको छ।
धनगढी उमनपाका मेयर नृपबहादुर वडको प्रमुख आतिथ्यमा एभरेष्ट बैंक धनगढी शाखाको तर्फबाट शाखा प्रबन्धक यज्ञराज तिमिल्सिना तथा कर्जा प्रमुख हिमाल भट्टराईले संयुक्त रुपमा विद्यापीठका विद्यार्थीलाई पुस्तक हस्तान्तरण गरेका हुन्।
एभरेष्ट बैंक धनगढी शाखाले संस्थागत सामाजिक उत्तरदायित्वका कार्यक्रम गर्दै आएको र भविष्यमा पनि निरन्तरता दिने बैंकका धनगढी शाखाका प्रवक्ता जनक अधिकारीले जानकारी दिए।
प्रतिक्रिया दिनुहोस !
