बेइजिङ : बेइजिङको ग्रेट हल अफ पिपुल्समा बिहीबार नेपाल र चीनका प्रधानमन्त्री र प्रतिनिधिमण्डलकाबीच भेटवार्ता भएको छ । भेटका अवसरमा दुवै देशका प्रतिनिधिबीच दुईपक्षीय सम्बन्धका विषयमा छलफलपछि केही सम्झौता भएका छन् ।
दुई देशका प्रतिनिधिबीच भएको वार्ताका क्रममा दुईपक्षीय सम्बन्ध सुधार गर्ने कनेक्टीभीटी, व्यापार, पर्यटन र लागानीका क्षेत्रका परियोजना अन्र्तगत सहयोग अघि बढाउने विषयमा सम्झौता भएको छ
नेपालका परराष्ट्रमन्त्री प्रदीप ज्ञवाली र चिनियाँ विदेशमन्त्री वाङ यीबीच दुवै देशका परराष्ट्रमन्त्रालयहरुबीच सहमति कार्यान्वयनका लागि संयन्त्र निर्माण गर्ने विषयमा सम्झौता भएको छ । यस्तै नेपालका परराष्ट्रमन्त्री र चिनियाँ विदेश मन्त्रीबीच दुवै देशबीच सहयोग विस्तार गर्ने विषयमा पनि सहमति भएको छ । नेपालका ऊर्जा मन्त्री वर्षमान पुन र चीनका राष्ट्रिय उर्जा निर्देशक नुवेर वारकेलीबीच ऊर्जा सम्झौता गरेका छन् ।
रेलमार्ग निमार्ण सम्बन्धि सभ्झौतामा भौतिक पूर्वाधार तथा यातायतमन्त्री रघुवीर महासेठ र चिनियाँ समकक्षी ली सियोफिङले हस्ताक्षर गरेका छन् । उनीहरुले नेपालको कार्गो यातायतका लागि चीनको यातायातका लागि चीनको स्वशासित क्षेत्र तिब्बतको राजमार्ग प्रयोग गर्ने सम्बन्धि सम्झौतापत्रमा समेत हस्ताक्षर गरेका छन्।
त्यस्तै सिन्धुपाल्चोकको तातोपानी र रसुवागढी मितेरीपुल निर्माण गर्न चीनले सहयोग गर्ने बारे पनि सम्झौता भएको छ । ती सम्झौतापत्रमा परराष्ट्र मन्त्रालयका सचिव शंकरदास वैरागी र चिनियाँ विदेश मन्त्रालयका उपमन्त्री कोङ झेङयुबीच हस्ताक्षर भएको छ ।
प्रतिक्रिया दिनुहोस !
