काठमाडौँ : चीनको गुलिङमा हुने अन्तर्राष्ट्रिय र्याफ्टिङ प्रतियोगितामा भाग लिन जाने टोलीको बिदाइ गरिएको छ। चीन सरकारको आयोजनामा आगामी जुन २६ देखि जुलाई १ सम्म हुन लागेको अन्तर्राष्ट्रिय र्याफ्टिङ प्रतियोगितामा भाग लिन जाने टोलीलाई आज नेपाल र्याफ्टिङ एण्ड क्यानोइङ एशोसिएसनका अध्यक्ष मानबहादुर न्यौपानेले बिदाइ गरे।
उक्त प्रतियोगितामा नेपालबाट पर्यटन विभागका उपमहानिर्देशक पोषनाथ अधिकारी, नेपाल र्याफ्टिङ एशोसिएसनका अध्यक्ष निमबहादुर मगर, महासचिव शिव अधिकारी र खेलाडी लीलाबहादुर गुरुङ, जीवन मगर, प्रदीप मगर र सुनिल गुरुङ रहेका छन्।
नेपालसहित २० देशका खेलाडीको सहभागिता रहने उक्त प्रतियोगितामा प्रथम हुने खेलाडीले ५० हजार डलर पाउनेछन्। उक्त प्रतियोगितामा र्याफ्टिङसम्बन्धी २० खेल हुनेछन्। रासस
प्रतिक्रिया दिनुहोस !
