दमौली : तनहुँ प्रहरीले नदीमा उत्खनन गरेर सेती नदीबाट बालुवा झिक्दै गरेको जेसीबीलाई म्याग्दे गाउँपालिका ५ बाँदरकुनाबाट नियन्त्रणमा लिएको छ ।
बिहीबार मध्यरातमा नदीबाट अवैध रुपमा नदीबाट बालुवा झिकिएको सूचनाका आधारमा गएको प्रहरी टोलीले सेतीबाट बालुवा झिकेर लोड गर्दै गरेको अवस्थामा तीन ट्रिपरलाईसमेत नियन्त्रणमा लिएको छ ।
प्रहरीले बालुवा झिक्ने काममा संलग्न ग १ क ३१८४ नम्बरको जेसीबीसँगै चालक म्याग्दे ४ का २१ वर्षीय अजय लामा ग १ क ३५४० नं. को टिप्पर र चालक म्याग्दे गाउँपालिका ४ का २२ वर्षीय भरत विक, ग १ क २९७६ नम्बरको टिप्पर र चालक सोही ठाउँका १९ वर्षीय केशबहादुर विक र ग १ क २४१५ नं. को टिप्पर र चालक म्याग्दे ४ का राजेश थापालाई पक्रेको छ ।
पक्राउ परेका सबैलाई जिल्ला समन्वय समितिमा बुझाइएको प्रहरी नायब उपरीक्षक सुनिल मल्लले जानकारी दिए ।
प्रतिक्रिया दिनुहोस !
