स्याङ्जा : नदीबाट उत्खनन् गरेका सामान बोक्ने ट्र्याक्टर प्रहरीले नियन्त्रणमा लिएको भन्दै वालिङका व्यवसायीले आन्दोलन गरेका छन् । वडा प्रहरी कार्यालय वालिङले असार १ गते नियन्त्रणमा लिएको सामानसहितको ट्याक्टरहरु १० दिनसम्म पनि नियन्त्रणमा लिएपछि व्यवसायीलेआफ्नो सामान फिर्ता पाउनुपर्ने माग गर्दै आन्दोलित भएको बताएका छन् ।
सरकारी नियमानुसार असारदेखि भदौसम्मका ३ महिना नदीजन्य पदार्थहरु ढुङगा, गिटी बालुवा उत्खनन् गर्न नपाउने भन्दै प्रहरीले ट्र्याक्टर नियन्त्रणमा लिएको जनाएको छ । तर, व्यवसायीभने असारभन्दा अगाडि नदी बाहिर राखिएका नदीजन्य सामग्री ढुवानी गर्दा बिनाजानकारी आफना ट्र्याक्टरहरु नियन्त्रणमा लिएको भन्दैे शनिबार दिनभर वडा प्रहरी कार्यालय अगाडि ट्र्याक्टरसहित आन्दोलनमा उत्रेका थिए ।
असार भन्दाअघि स्टक गरी राखिएको ढुङ्गा, गिटी, बालुवासहितका सामानहरु ढुवानी गर्न र नियन्त्रणमा रहेका ट्र्याक्टरहरु जरिवाना नतिरी रिहा गर्नुपर्ने आन्दोलनकारीको माग छ ।मालसामानसहितका६० भन्दा बढी ट्र्याक्टर प्रहरी कार्यालय अगाडि राखिएका छन् । शान्तिपूर्ण आन्दोलनको माग सुनुवाइ नभए वालिङ सडकखण्डको सिद्धार्थ राजमार्गमा एकतर्फी मात्रै सवारी सञ्चालन गर्ने आन्दोलनका सहभागीराजु तिवारी बताउँछन् । आन्दोलनलाई निर्माण व्यवसायी, हार्डवेयर सञ्चालक, उद्योग व्यवसायी, फर्निचर व्यवसायी, ग्रील तथा मजदुर व्यवसायीले ऐक्यबद्धता जनाएका छन् । सामग्री ढुवानीमा रोक लगाएपछि सबैभन्दा बढी भूकम्प प्रभावित परिवार मर्कामा पर्ने देखिएको छ । घर निर्माणका सामग्री ल्याउन सहज नबने भएपछि उनीहरुका घर बन्न असहज बन्ने भएको छ भने सरकारी विकासे निर्माण कार्य पनि रोकिने भएको छ ।
वडा प्रहरी कार्यालयका प्रहरी निरीक्षक शंकर आचार्यले भने,‘जेठ १६ गते जिल्लाका सम्बन्धित निकायका प्रमुखहरुको बैठकले असार १ गतेबाट कुनै पनि स्टक राखिएको सामानहरु ढुवानी गर्दा जिल्ला समन्वयबाट समितिबाट प्रमाणीकरण गर्नुपर्ने निर्णय गरेकाले असार ७ गतेभित्रको अवधिमा तीट्र्याक्टरहरु नियन्त्रणमा लिएको हो ।’तर, असार ७ गतेकै बैठकले यही २० गतेसम्म प्रमाणीकरण नगरीकनसमेत स्टक सामानहरु ढुवानी गर्न पाउने पुन ः निर्णय गरेको छ ।
प्रतिक्रिया दिनुहोस !
