मस्को : विश्वक अन्तरगत आइतबार समूह ‘एच’मा रहेका एसियाली टोली जापान र अफ्रिकी टोली सेनेगल एकअर्काविरुद्ध प्रतिस्पर्धा गर्दै छन् ।
आफ्नो पहिलो खेलमा तुलनात्मक रुपमा बलिया मानिएका टोलीमाथि जित निकालेका यी दुई टोलीको मनोबल उच्च रहेको छ । जितले हौसिएको जापान र सेनेगललाई खेल केही सहज हुनेछ।
यद्यपी पराजयले प्रिक्वार्टरफाइनल सम्भावना कमजोर हुने भएकाले दुवै टोलीले कम्तीमा बराबरीका लागि खेल्ने प्रयास गर्नेछन् । यस खेलमा जित्ने टोली अन्तिम १६ का लागि बलियो दाबेदार बन्नेछ ।
बराबरीले मात्रैले पनि दुवै टोलीको अन्तिम १६ को सम्भावना बलियो नै रहनेछ । विश्वकप फुटबलमा एकअर्काविरुद्ध जापान र सेनेगलले पनि पहिलोपटक प्रतिस्पर्धा गर्न लागेका हुन् ।
प्रभाव पार्न सक्ने खेलाडी
युया ओसाका, जापान
जापानिज टोलीका स्ट्राइकर युया ओसाका प्रतिभाशाली फुटबलर हुन् । जर्मनीको दोस्रो डिभिजन क्लब कोल्नसँग अनुबन्ध रहेका उनी जापानिज टोलीमा युरोपेली क्लब फुटबलको अनुभव बटुल्ने खेलाडीमध्येका हुन् । जापानले रुस विश्वकपको पहिलो खेलमा बलियो टोली कोलम्बियासँग २-१ को जित हात पार्दा उनै ओसाकाले निर्णायक गोल गरेका थिए ।
खेल १-१ को बराबरीमा चलिरहेको अवस्थामा उनै ओसाकाले निर्णायक गोल गरेपछि जापानले पहिलो खेलमा बलियो टोलीसँग महत्वपूर्ण तीन अंक खोस्न सफल भएको थियो । लामो दूरीबाट सशक्त प्रहारमा गोल गर्नसक्ने क्षमताका खेलाडी उनी रुस विश्वकपमा जापानको महत्वपूर्ण स्ट्राइकरका रूपमा रहेका छन् ।
टोलीमा रहेका पुराना र युवा खेलाडीको मि श्रणमा राम्रोसँग जमेका खेलाडी पनि हुन्, उनी । प्रशिक्षकको रोजाइअनुसार मुख्य स्ट्राइकरभन्दा केहीपछि वा दायाँ विङ्समा प्रभावकारी देखिने ओसाका आफ्नो दोस्रो विश्वकप खेल्दैछन् । चार वर्षअघि ब्राजिल विश्वकपमा पनि अवसर पाएका उनले दुई खेल मात्रै खेलेका थिए । यसपटक आक्रामक मिडफिल्डरका रूपमा टोलीको महत्वपूर्ण सदस्य रहेका उनले बाँकी खेलमा समेत अवसर पाउने पक्का छ ।
उनले यही अवसरको सदुपयोग गर्दै जापानलाई रुस विश्वकपमा अझ अघि बढाउन निकै मेहनत पनि गर्ने नै छन् । उनको यही मेहनत रुस विश्वकपका बाँकी खेलहरूमा हेर्न लायकको हुनेछ । सन् २०१३ बाट जापानको राष्ट्रिय टोलीमा डेब्यु गरेका ओसाकाले हालसम्म ३० खेलबाट आठ गोल गरेका छन् ।
प्रतिक्रिया दिनुहोस !
